NZ ਸਰਕਾਰ ਨੇ ਦੇਸ਼ ਵਾਸੀਆਂ ਨੂੰ ਇੱਕ ਵੱਡਾ ਝਟਕਾ ਦਿੱਤਾ ਹੈ। ਦਰਅਸਲ ਸਰਕਾਰ ਨੇ ਪਾਰਲੀਮੈਂਟ ਦੇ ਵਿੱਚ ਬੀਤੇ ਦਿਨ ਕੰਜੈਸ਼ਨ ( Congestion ) ਬਿੱਲ ਪੇਸ਼ ਕੀਤਾ ਸੀ ਜੋ ਤੀਜੀ ਮੀਟਿੰਗ ਦੇ ਵਿੱਚ ਪਾਸ ਹੋ ਚੁੱਕਾ ਜਿਸ ਤੋਂ ਬਾਅਦ ਹੁਣ ਇਹ ਕਾਨੂੰਨ ਬਣ ਚੁੱਕਿਆ। ਯਾਨੀ ਕਿ ਇਸ ਕੰਜੈਸ਼ਨ ਬਿੱਲ ਦੇ ਮੁਤਾਬਿਕ ਕੁਝ ਵਿਅਸਤ ਘੰਟਿਆਂ ਦੇ ਵਿੱਚ ਡਾਊਨਟਾਊਨ ਸਿਟੀ ਜਾਣ ਵੇਲੇ ਵਾਹਨ ਚਾਲਕਾਂ ਨੂੰ ਟੋਲ ਦੇਣਾ ਪਵੇਗਾ। ਦੱਸ ਦੇਈਏ ਕਿ ਸਰਕਾਰ ਦੇ ਨਾਲ ਨਾਲ ਓਪੋਜ਼ੀਸ਼ਨ ਪਾਰਟੀ ਦੇ ਵੱਲੋਂ ਵੀ ਇਸ ਬਿੱਲ ਦਾ ਸਮਰਥਨ ਕੀਤਾ ਗਿਆ ਜਿਸ ਕਰਕੇ ਇਹ ਬਿੱਲ ਪਾਸ ਹੋ ਚੁੱਕਿਆ ਤੇ ਹੁਣ ਇਹ ਕਾਨੂੰਨ ਬਣ ਜਾਏਗਾ ਆਕਲੈਂਡ ਕਾਉਂਸਲ ਦੇ ਨਾਲ ਪਾਰਟਨਰਸ਼ਿਪ ਸਭ ਤੋਂ ਪਹਿਲਾਂ ਕੀਤੀ ਜਾਵੇਗੀ। ਨਿਊਜ਼ੀਲੈਂਡ ਸਰਕਾਰ ਵੱਲੋਂ ਆਕਲੈਂਡ ਦੀ ਵੱਧ ਰਹੀ ਟ੍ਰੈਫਿਕ ਸਮੱਸਿਆ ਨੂੰ ਕਾਬੂ ਕਰਨ ਲਈ ਇਹ ਵੱਡਾ ਕਦਮ ਚੁੱਕਿਆ ਗਿਆ ਹੈ।
ਇਹ ਨਵਾਂ ਕਾਨੂੰਨ ਅਧਿਕਾਰੀਆਂ ਨੂੰ ਇਹ ਤਾਕਤ ਦੇਵੇਗਾ ਕਿ ਉਹ ਸ਼ਹਿਰ ਦੇ ਬਹੁਤ ਵਿਆਸਤ ਇਲਾਕਿਆਂ ਜਾਂ ਸੜਕਾਂ ‘ਤੇ ਪੀਕ ਸਮੇਂ ਦੌਰਾਨ ਵਾਹਨ ਚਲਾਉਣ ‘ਤੇ ਟੈਕਸ ਲਗਾ ਸਕਣ। ਇਹ ਮਾਡਲ ਲੰਡਨ, ਸਿੰਗਾਪੁਰ ਅਤੇ ਸਟਾਕਹੋਮ ‘ਚ ਪਹਿਲਾਂ ਹੀ ਸਫਲ ਰਿਹਾ ਹੈ। ਟਰਾਂਸਪੋਰਟ ਮੰਤਰੀ ਕ੍ਰਿਸ ਬਿਸ਼ਪ ਨੇ ਕਿਹਾ ਕਿ ਸਭ ਤੋਂ ਪਹਿਲਾਂ ਇਹ ਸਕੀਮ ਆਕਲੈਂਡ ਵਿੱਚ ਸ਼ੁਰੂ ਕੀਤੀ ਜਾਵੇਗੀ, ਕਿਉਂਕਿ ਇਹ ਨਿਊਜ਼ੀਲੈਂਡ ਦੀ ਆਰਥਿਕਤਾ ਲਈ ਸਭ ਤੋਂ ਮਹੱਤਵਪੂਰਨ ਸ਼ਹਿਰ ਹੈ। ਹਾਲਾਂਕਿ ਇਸ ਦੀ ਸ਼ੁਰੂਆਤ ਫਿਲਹਾਲ ਅਜੇ ਨਹੀਂ ਹੋਏਗੀ ਅਗਲੇ ਸਾਲ ਯਾਨੀ ਕਿ 2006 ਦੀ ਸ਼ੁਰੂਆਤ ਦੇ ਵਿੱਚ ਇਹ ਲਗਾਇਆ ਜਾਏਗਾ ਹਾਲਾਂਕਿ ਇਹ ਕੰਜੈਸ਼ਨ ਚਾਰਜਿਸ ਕਦੋਂ ਕਿਹੜੇ ਘੰਟਿਆਂ ਅਤੇ ਕਿਹੜੀਆਂ ਸੜਕਾਂ ‘ਤੇ ਤੇ ਕਿੰਨੇ ਲਗਾਏ ਜਾਣਗੇ ਇਸ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।