ਹੰਗਰੀ ਦੇ ਇੱਕ ਜੋੜੇ ਨੂੰ ਨਿਊਜ਼ੀਲੈਂਡ ਵਿੱਚ ਵੀਜ਼ਾ ਅਤੇ ਰਿਹਾਇਸ਼ ਪ੍ਰਾਪਤ ਕਰਨ ਲਈ ਝੂਠੀਆਂ ਪਛਾਣਾਂ ਅਤੇ ਜਾਅਲੀ ਦਸਤਾਵੇਜ਼ਾਂ ਨਾਲ ਜੁੜੇ “ਲਗਾਤਾਰ ਅਤੇ ਗਿਣੇ-ਮਿਥੇ ਧੋਖੇ” ਦੇ ਦੋਸ਼ ਵਿੱਚ ਸਜ਼ਾ ਸੁਣਾਈ ਗਈ ਹੈ। ਇੱਕ 50 ਸਾਲਾ ਆਦਮੀ ਅਤੇ 44 ਸਾਲਾ ਔਰਤ, ਦੋਵਾਂ ਦਾ ਅੰਤਰਿਮ ਨਾਮ ਲੁਕਾਇਆ ਗਿਆ ਹੈ, ਜਿਨ੍ਹਾਂ ਨੂੰ ਆਕਲੈਂਡ ਜ਼ਿਲ੍ਹਾ ਅਦਾਲਤ ਵਿੱਚ ਇਮੀਗ੍ਰੇਸ਼ਨ ਅਤੇ ਪਛਾਣ ਧੋਖਾਧੜੀ ਦੇ 16 ਦੋਸ਼ਾਂ ਵਿੱਚ ਦੋਸ਼ੀ ਮੰਨਣ ਤੋਂ ਬਾਅਦ ਸਜ਼ਾ ਸੁਣਾਈ ਗਈ। ਦੋਸ਼ਾਂ ‘ਚ forged documents, ਝੂਠੀਆਂ applications ਅਤੇ ਨਕਲੀ ਪਹਿਚਾਣ ਦੀ ਵਰਤੋਂ ਸ਼ਾਮਿਲ ਸੀ। ਆਦਮੀ ਨੂੰ ਤਿੰਨ ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ ਜਦੋਂ ਕਿ ਔਰਤ ਨੂੰ 11 ਮਹੀਨੇ ਦੀ ਘਰ ਨਜ਼ਰਬੰਦੀ ਦੀ ਸਜ਼ਾ ਸੁਣਾਈ ਗਈ ਹੈ।
ਵਪਾਰ, ਨਵੀਨਤਾ ਅਤੇ ਰੁਜ਼ਗਾਰ ਮੰਤਰਾਲੇ (MBIE) ਦੇ ਰਾਸ਼ਟਰੀ ਮੈਨੇਜਰ ਜਾਂਚ ਜੇਸਨ ਪੈਰੀ ਨੇ ਕਿਹਾ ਕਿ ਇਮੀਗ੍ਰੇਸ਼ਨ NZ ਦੁਆਰਾ ਕੀਤੀ ਗਈ ਜਾਂਚ ਤੋਂ ਬਾਅਦ ਜੋੜੇ ਦਾ ਘਪਲਾ ਸਾਹਮਣੇ ਆਇਆ ਸੀ। ਇਹ ਜੋੜਾ ਮਾਰਚ, 2011 ਵਿੱਚ ਨਿਊਜ਼ੀਲੈਂਡ ਪਹੁੰਚਿਆ ਸੀ, ਇਹ ਹੰਗਰੀ ਦੇ ਨਾਗਰਿਕਾਂ ਦੀ ਪਛਾਣ ਦੀ ਵਰਤੋਂ ਕਰਕੇ ਆਏ ਸਨ ਜੋ ਇੰਨਾਂ ਨੂੰ ਜਾਣਦੇ ਸਨ। ਅਹਿਮ ਗੱਲ ਹੈ ਕਿ 2008 ਵਿੱਚ, ਆਦਮੀ ਨੂੰ ਹੰਗਰੀ ਵਿੱਚ ਜਾਅਲਸਾਜ਼ੀ ਅਤੇ ਭ੍ਰਿਸ਼ਟਾਚਾਰ ਦੇ ਦੋਸ਼ ਵਿੱਚ 4.5 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਸੀ ਜਿਸਨੂੰ ਇਮੀਗ੍ਰੇਸ਼ਨ NZ ਤੋਂ “ਜਾਣਬੁੱਝ ਕੇ ਛੁਪਾਇਆ” ਗਿਆ ਸੀ। 2011 ਅਤੇ 2014 ਦੇ ਵਿਚਕਾਰ, ਜੋੜੇ ਨੇ ਜਾਅਲੀ ਦਸਤਾਵੇਜ਼ਾਂ ਅਤੇ ਝੂਠੇ ਐਲਾਨਾਂ ਦੀ ਵਰਤੋਂ ਕਰਕੇ – ਵਿਜ਼ਟਰ, ਕੰਮ, ਰਿਹਾਇਸ਼ ਅਤੇ ਨਾਗਰਿਕਤਾ ਅਰਜ਼ੀਆਂ ਸਮੇਤ – ਧੋਖਾਧੜੀ ਵਾਲੇ ਵੀਜ਼ਾ ਅਰਜ਼ੀਆਂ ਦੀ ਇੱਕ ਲੜੀ ਜਮ੍ਹਾਂ ਕਰਵਾਈ। 2015–2016 ਵਿੱਚ ਵਿਅਕਤੀ ਦੇ ਪੁੱਤ ਲਈ ਵੀ ਨਕਲੀ adoption order ਅਤੇ fake birth certificates ਦੀ ਵਰਤੋਂ ਕੀਤੀ ਗਈ। 2017–2019 ਵਿੱਚ ਦੋਵੇਂ ਨੇ ਆਪਣੇ ਅਤੇ ਆਪਣੀ ਧੀ ਦੇ citizenship applications ਵਿੱਚ ਵੀ ਝੂਠੀ ਜਾਣਕਾਰੀ ਦਿੱਤੀ। ਅਗਸਤ 2022 ਵਿੱਚ, ਆਦਮੀ ਨੇ ਇਮੀਗ੍ਰੇਸ਼ਨ NZ ਨਾਲ ਇੱਕ ਇੰਟਰਵਿਊ ਦੌਰਾਨ ਧੋਖਾਧੜੀ ਦੀ ਗੱਲ ਕਬੂਲ ਕੀਤੀ। ਔਰਤ ਨੇ ਇੰਟਰਵਿਊ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ।