Dunedin ਵਿੱਚ ਚੋਰੀ ਕੀਤੀ ਕਾਰ ਦੀ ਵਰਤੋਂ ਕਰਕੇ ਪੈਟਰੋਲ ਪੰਪਾਂ ਤੋਂ ਪੈਟਰੋਲ ਚੋਰੀ ਕਰਨ ਦੇ ਮਾਮਲੇ ‘ਚ ਚਾਰ ਨੌਜਵਾਨਾਂ ਨੂੰ ਪੁਲਿਸ ਨੇ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਦੇ ਅਨੁਸਾਰ, ਮੰਗਲਵਾਰ ਦੌਰਾਨ ਇੱਕ Nissan ਕਾਰ, ਜੋ ਸੋਮਵਾਰ ਰਾਤ ਨੂੰ Caversham ਤੋਂ ਚੋਰੀ ਹੋਈ ਸੀ, ਘੱਟੋ-ਘੱਟ ਦੋ ਪੈਟਰੋਲ ਪੰਪਾਂ ਤੋਂ ਪੈਟਰੋਲ ਭਰਵਾ ਕੇ ਭੱਜਣ ਦੀਆਂ ਘਟਨਾਵਾਂ ਵਿੱਚ ਸ਼ਾਮਲ ਰਹੀ।
ਓਟਾਗੋ ਕੋਸਟਲ ਖੇਤਰ ਦੇ ਇੰਸਪੈਕਟਰ Porima Rangitutia ਨੇ ਦੱਸਿਆ ਕਿ ਕਰੀਬ ਸ਼ਾਮ 4:40 ਵਜੇ ਲੋਕਾਂ ਵੱਲੋਂ ਪੁਲਿਸ ਨੂੰ ਕਈ ਕਾਲਾਂ ਆਈਆਂ, ਜਿਨ੍ਹਾਂ ‘ਚ ਦੱਸਿਆ ਗਿਆ ਕਿ ਚੋਰੀ ਕੀਤੀ ਗੱਡੀ ਖਤਰਨਾਕ ਢੰਗ ਨਾਲ ਚਲਾਈ ਜਾ ਰਹੀ ਸੀ — ਜਿਸ ਵਿੱਚ ਹੋਰ ਵਾਹਨਾਂ ਦੇ ਬਹੁਤ ਨੇੜੇ ਚਲਾਉਣਾ ਅਤੇ ਅਚਾਨਕ ਬ੍ਰੇਕ ਲਗਾਉਣਾ ਸ਼ਾਮਲ ਸੀ।
ਬਾਅਦ ਵਿੱਚ ਪੁਲਿਸ ਨੇ ਗੱਡੀ ਨੂੰ ਨਾਰਥ ਰੋਡ ‘ਤੇ ਵੇਖਿਆ ਅਤੇ ਕੁਝ ਸਮੇਂ ਲਈ ਦੂਰੀ ਤੋਂ ਨਿਗਰਾਨੀ ਕੀਤੀ। ਇਸ ਤੋਂ ਬਾਅਦ Waitati ‘ਚ ਵਾਹਨ ਨੂੰ ਸਪਾਈਕ ਕਰਕੇ ਰੋਕ ਲਿਆ ਗਿਆ, ਜਿਸ ਨਾਲ ਕਾਰ State Highway 1 ‘ਤੇ ਡੁਨੇਡਿਨ ਦੇ ਉੱਤਰ ਵੱਲ ਰੁਕ ਗਈ। ਪੁਲਿਸ ਨੇ ਚਾਰਾਂ ਨੌਜਵਾਨਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਪੁਲਿਸ ਅਨੁਸਾਰ ਡਰਾਈਵਰ ‘ਤੇ ਕਾਰ ਚੋਰੀ ਕਰਨ ਅਤੇ ਪੈਟਰੋਲ ਚੋਰੀ ਨਾਲ ਸੰਬੰਧਿਤ ਦੋਸ਼ ਲਗਾਏ ਜਾਣਗੇ, ਜਦਕਿ ਸਾਰੇ ਚਾਰਾਂ ਨੂੰ ਅੱਗੇ ਕਾਰਵਾਈ ਲਈ ਯੂਥ ਏਡ ਸੇਵਾਵਾਂ ਕੋਲ ਭੇਜਿਆ ਜਾਵੇਗਾ।