‘ਲੋੜ ਪੈਣ ‘ਤੇ ਸਰਕਾਰ ਆਸਟ੍ਰੇਲੀਆ ਫਸੇ ਨਿਊਜ਼ੀਲੈਂਡ ਵਾਸੀਆਂ ਨੂੰ ਵਾਪਿਸ ਆਉਣ ਲਈ ਦੇਵੇਗੀ ਵੱਧ ਸਮਾਂ’ : PM ਆਰਡਰਨ

government may extend managed flights

ਪ੍ਰਧਾਨ ਮੰਤਰੀ ਜੈਸਿੰਡਾ ਆਰਡਰਨ ਨੇ ਸੋਮਵਾਰ ਨੂੰ ਕਿਹਾ ਕਿ ਆਸਟ੍ਰੇਲੀਆ ਵਿੱਚ ਫਸੇ ਨਿਊਜ਼ੀਲੈਂਡ ਵਾਸੀਆਂ ਲਈ ਪ੍ਰਬੰਧਿਤ ਵਾਪਸੀ ਦੀਆਂ ਉਡਾਣਾਂ ਨੂੰ ਸੱਤ ਦਿਨਾਂ ਦੀ ਅਸਲ ਸੀਮਾ ਤੋਂ ਅੱਗੇ ਵਧਾਇਆ ਜਾ ਸਕਦਾ ਹੈ। ਆਸਟ੍ਰੇਲੀਆ ਨਾਲ ਕੁਆਰੰਟੀਨ ਮੁਕਤ ਯਾਤਰਾ ਪਿਛਲੇ ਹਫਤੇ ਦੋ ਮਹੀਨਿਆਂ ਲਈ ਮੁਅੱਤਲ ਕਰ ਦਿੱਤੀ ਗਈ ਸੀ, ਕਿਉਂਕਿ ਤਸਮਾਨ ਦੇ ਕਈ ਰਾਜਾਂ – ਅਰਥਾਤ ਨਿਊ ਸਾਊਥ ਵੇਲਜ਼ ਵਿੱਚ ਕੋਵਿਡ 19 ਦੇ ਕੇਸਾਂ ਵਿੱਚ ਲਗਾਤਾਰ ਵਾਧਾ ਹੋ ਰਿਹਾ ਸੀ। NSW’s ਦੇ ਵਿੱਚ ਕੋਵਿਡ ਦਾ ਪ੍ਰਕੋਪ ਅਜੇ ਵੀ ਜਾਰੀ ਹੈ, ਐਤਵਾਰ ਨੂੰ COVID-19 ਦੇ 141 ਕਮਿਊਨਿਟੀ ਕੇਸ ਅਤੇ ਸ਼ਨੀਵਾਰ ਨੂੰ 163 ਮਾਮਲੇ ਦਰਜ ਕੀਤੇ ਗਏ ਹਨ।

ਸ਼ੁੱਕਰਵਾਰ ਨੂੰ ਯਾਤਰਾ ਮੁਅੱਤਲ ਦੀ ਘੋਸ਼ਣਾ ਕਰਦਿਆਂ, ਸਰਕਾਰ ਨੇ ਕਿਹਾ ਕਿ ਨਿਊਜ਼ੀਲੈਂਡ ਵਾਸੀਆਂ ਲਈ ਪ੍ਰਬੰਧਿਤ ਵਾਪਸੀ ਦੀਆਂ ਉਡਾਣਾਂ ਸੱਤ ਦਿਨਾਂ ਲਈ ਸਾਰੇ ਆਸਟ੍ਰੇਲੀਆ ਦੇ ਰਾਜਾਂ ਅਤੇ ਪ੍ਰਦੇਸ਼ਾਂ ਤੋਂ ਰਵਾਨਾ ਹੋਣਗੀਆਂ। ਬਸ਼ਰਤੇ ਯਾਤਰੀਆਂ ਨੂੰ ਰਵਾਨਗੀ ਤੋਂ ਪਹਿਲਾਂ ਇੱਕ ਕੋਵਿਡ -19 ਟੈਸਟ ਦੀ ਨੈਗੇਟਿਵ ਰਿਪੋਰਟ ਦਿਖਾਉਣੀ ਪਏਗੀ। ਜੇ ਉਹ ਕੁਈਨਜ਼ਲੈਂਡ, ਦੱਖਣੀ ਆਸਟ੍ਰੇਲੀਆ, ਤਸਮਾਨੀਆ, ਪੱਛਮੀ ਆਸਟ੍ਰੇਲੀਆ, ਏਸੀਟੀ ਅਤੇ ਨੋਰਫੋਕ ਆਈਲੈਂਡ ਤੋਂ ਉਡਾਣ ਭਰ ਰਹੇ ਹੋਣ ਤਾਂ ਉਨ੍ਹਾਂ ਨੂੰ ਨਿਊਜ਼ੀਲੈਂਡ ਪਹੁੰਚਣ ‘ਤੇ ਪ੍ਰਬੰਧਿਤ ਏਕਾਂਤਵਾਸ ਅਤੇ ਅਤੇ ਕੁਆਰੰਟੀਨ (MIQ) ਦੀ ਸਹੂਲਤ ਵਿੱਚ ਦਾਖਲ ਹੋਣ ਦੀ ਜ਼ਰੂਰਤ ਨਹੀਂ ਹੋਏਗੀ। ਹਾਲਾਂਕਿ, PM ਨੇ ਕਿਹਾ ਕਿ ਸੱਤ ਦਿਨਾਂ ਦੀ ਸਮਾਂ ਸੀਮਾ “ਲੋੜ ਪੈਣ ‘ਤੇ ਵਧਾਈ ਜਾ ਸਕਦੀ ਹੈ।

ਪ੍ਰਧਾਨ ਮੰਤਰੀ ਨੇ ਕਿਹਾ “ਅਸੀਂ ਅੱਜ ਏਅਰਲਾਈਨਾਂ ਨਾਲ ਬੈਠਕ ਕਰ ਰਹੇ ਹਾਂ – ਜੇ ਸਾਨੂੰ ਪਤਾ ਚੱਲਦਾ ਹੈ ਕਿ ਮੰਗ ਉਪਲੱਬਧ ਉਡਾਣਾਂ ਨਾਲੋਂ ਕਿਤੇ ਜ਼ਿਆਦਾ ਹੈ ਤਾਂ ਅਸੀਂ ਨਿਊਜ਼ੀਲੈਂਡ ਦੇ ਉਨ੍ਹਾਂ ਸਾਰੇ ਲੋਕਾਂ ਨੂੰ ਵਾਪਿਸ ਲਿਆਵਾਂਗੇ, ਜਿਨ੍ਹਾਂ ਨੂੰ ਘਰ ਵਾਪਿਸ ਜਾਣ ਦੀ ਜ਼ਰੂਰਤ ਹੈ। “ਸਾਡੀ ਵਚਨਬੱਧਤਾ ਇਹ ਹੈ: ਅਸੀਂ ਸਾਰਿਆਂ ਨੂੰ ਵਾਪਿਸ ਲਿਆਵਾਂਗੇ, ਬੇਸ਼ਕ, ਇਸ ਤੋਂ ਬਾਅਦ ਲੋਕਾਂ ਨੂੰ ਏਕਾਂਤਵਾਸ ਕਰਨ ਦੀ ਜ਼ਰੂਰਤ ਹੋਏਗੀ।” ਸ਼ੁੱਕਰਵਾਰ ਨੂੰ ਵਿਰਾਮ ਦੀ ਘੋਸ਼ਣਾ ਕਰਦਿਆਂ, ਆਡਰਨ ਨੇ ਕਿਹਾ ਕਿ ਇਸਦੀ ਦੋ ਮਹੀਨਿਆਂ ਦੀ ਮਿਆਦ ਦੇ ਬਾਅਦ ਸਮੀਖਿਆ ਕੀਤੀ ਜਾਏਗੀ।

Leave a Reply

Your email address will not be published. Required fields are marked *