ਫਾਇਰਫਾਈਟਰਜ਼ ਦਾ ਕਹਿਣਾ ਹੈ ਕਿ ਉਹ ਹੇਸਟਿੰਗਜ਼ ਦੇ ਬਾਹਰਵਾਰ ਤੇਜ਼ੀ ਨਾਲ ਫੈਲ ਰਹੀ ਬਨਸਪਤੀ ਅੱਗ ‘ਤੇ ਕਾਬੂ ਪਾਉਣ ਲਈ ਜੱਦੋ ਜਹਿਦ ਕਰ ਰਹੇ ਹਨ। ਮੰਗਲਵਾਰ ਦੁਪਹਿਰ ਨੂੰ ਲੱਗੀ ਅੱਗ ਫਰਨਹਿਲ ਟਾਊਨਸ਼ਿਪ ਅਤੇ ਨਗਾਰੂਰੋ ਰਿਵਰ ਬ੍ਰਿਜ ਦੇ ਵਿਚਕਾਰ SH50 ‘ਤੇ ਲੱਗੀ ਸੀ। ਇਸ ਅੱਗ ਨੇ ਦੋ ਘਰਾਂ ਸਮੇਤ ਕਈ ਇਮਾਰਤਾਂ ਨੂੰ ਤਬਾਹ ਕਰ ਦਿੱਤਾ ਸੀ, ਇੱਕ ਵਿਅਕਤੀ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ ਅਤੇ ਫਾਰਮਹਾਊਸ ਲਾਜ ਰਿਹਾਇਸ਼ ਦੇ ਆਲੇ-ਦੁਆਲੇ ਰਹਿਣ ਵਾਲੇ ਲੋਕਾਂ ਤੋਂ ਘਰ ਖਾਲੀ ਕਰਵਾਏ ਗਏ ਸੀ। ਸਿਵਲ ਡਿਫੈਂਸ ਦੀ ਸਹਾਇਤਾ ਨਾਲ ਨਿਵਾਸੀਆਂ ਨੂੰ ਰਾਤ ਭਰ ਕਿਤੇ ਹੋਰ ਰਹਿਣਾ ਪਿਆ ਹੈ। ਫਾਇਰ ਅਤੇ ਐਮਰਜੈਂਸੀ ਸਹਾਇਕ ਕਮਾਂਡਰ ਜੇਸਨ ਹਿੱਲ ਨੇ ਕਿਹਾ ਕਿ ਹੈਲੀਕਾਪਟਰ ਅੱਗ ਬੁਝਾਉਣ ਦੇ ਯਤਨਾਂ ਵਿੱਚ ਸਹਾਇਤਾ ਕਰਨ ਵਿੱਚ ਅਸਮਰੱਥ ਸਨ ਕਿਉਂਕ ਖੇਤਰ ਵਿੱਚ ਹਵਾ ਦੀ ਗਤੀ 90 ਕਿਲੋਮੀਟਰ ਪ੍ਰਤੀ ਘੰਟਾ ਤੱਕ ਪਹੁੰਚ ਗਈ ਸੀ। ਜਿਸ ਕਾਰਨ ਕਈ ਜ਼ਮੀਨੀ ਅਮਲੇ ਹਨੇਰੇ ਤੱਕ ਅੱਗ ਬੁਝਾਉਣ ਲਈ ਜਦੋ ਜਹਿਦ ਕਰ ਰਹੇ ਸਨ। ਅਸਿਸਟੈਂਟ ਕਮਾਂਡਰ ਜੇਸਨ ਹਿੱਲ ਨੇ ਕਿਹਾ ਕਿ ਇੱਕ ਰਿਹਾਇਸ਼ ਤਬਾਹ ਹੋ ਗਈ ਹੈ ਅਤੇ ਦੂਜਾ ਨੁਕਸਾਨਿਆ ਗਿਆ ਹੈ।
