ਸ਼ੁੱਕਰਵਾਰ ਸਵੇਰੇ ਕ੍ਰਾਇਸਚਰਚ ਵਿੱਚ ਇੱਕ ਘਰ ਵਿੱਚ ਅੱਗ ਲੱਗਣ ਦੀ ਘਟਨਾ ਸਾਹਮਣੇ ਆਈ ਹੈ। ਫਾਇਰ ਐਂਡ ਇਮਰਜੈਂਸੀ ਵਿਭਾਗ ਮੁਤਾਬਿਕ ਲਗਭਗ ਸਵੇਰੇ 4:20 ਵਜੇ ਇੱਕ ਵਿਅਕਤੀ ਨੇ ਅੱਗ ਦੀ ਸੂਚਨਾ ਦਿੱਤੀ ਸੀ। ਅੱਗ ਲੱਗਣ ਸਮੇਂ ਉਹ ਵਿਅਕਤੀ ਇੱਕ ਮੰਜ਼ਿਲਾ ਘਰ ਦੇ ਅੰਦਰ ਮੌਜੂਦ ਸੀ, ਪਰ ਉਹ ਸੁਰੱਖਿਅਤ ਤੌਰ ‘ਤੇ ਬਾਹਰ ਨਿਕਲ ਆਇਆ। ਇਸ ਮਗਰੋਂ ਕਰੀਬ ਅੱਠ ਫਾਇਰਫਾਈਟਰਾਂ ਨੇ ਮੌਕੇ ‘ਤੇ ਪਹੁੰਚ ਕੇ ਅੱਗ ‘ਤੇ ਕਾਬੂ ਪਾਇਆ। ਇਸ ਘਟਨਾ ਦੌਰਾਨ ਘਰ ਨੂੰ ਨੁਕਸਾਨ ਪਹੁੰਚਿਆ ਹੈ, ਪਰ ਖੁਸ਼ਕਿਸਮਤੀ ਨਾਲ ਕਿਸੇ ਵੀ ਵਿਅਕਤੀ ਨੂੰ ਸੱਟ ਨਹੀਂ ਲੱਗੀ।
