ਪੁਲਿਸ ਇੱਕ ਹਫ਼ਤੇ ‘ਚ ਲੇਵਿਨ ਵਿੱਚ ਹੋਈ ਪੰਜਵੀਂ ਗੋਲੀਬਾਰੀ ਦੀ ਜਾਂਚ ਕਰ ਰਹੀ ਹੈ। ਕਾਰਜਕਾਰੀ ਮਾਨਵਾਟੂ ਏਰੀਆ ਕਮਾਂਡਰ ਇੰਸਪੈਕਟਰ ਐਸ਼ ਗੁਰਨੇ ਨੇ ਕਿਹਾ ਕਿ ਸ਼ਨੀਵਾਰ ਸਵੇਰੇ ਤੜਕੇ ਵਿਨਸੈਂਟ ਸਟਰੀਟ ‘ਤੇ ਇੱਕ ਘਰ ‘ਤੇ ਗੋਲੀਆਂ ਚਲਾਈਆਂ ਗਈਆਂ ਸਨ। ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਪੁਲਿਸ ਨੇ ਪਿਛਲੇ ਹਫ਼ਤੇ ਲੜੀਵਾਰ ਗੋਲੀਬਾਰੀ ਤੋਂ ਬਾਅਦ ਖੇਤਰ ਵਿੱਚ ਇੱਕ ਗੈਂਗ ਟਕਰਾਅ ਵਾਰੰਟ ਲਾਗੂ ਕੀਤਾ ਸੀ। ਇਹ ਵਾਰੰਟ ਓਟਾਕੀ, ਸ਼ੈਨਨ, ਫੌਕਸਟਨ ਅਤੇ ਲੇਵਿਨ ਲਈ ਲਾਗੂ ਹੈ। ਪਿਛਲੇ ਦਿਨੀ ਕਾਰਵਾਈ ਕਰਦਿਆਂ ਵੱਖ ਵੱਖ ਰੇਡਾਂ ਦੌਰਾਨ ਚਾਰ ਬੰਦੂਕਾਂ ਅਤੇ ਇੱਕ ਚਾਕੂ ਜ਼ਬਤ ਕੀਤਾ ਗਿਆ ਸੀ। ਗੁਰਨੇ ਨੇ ਕਿਹਾ ਕਿ ਰਾਤੋ ਰਾਤ, ਪੁਲਿਸ ਨੇ ਇੱਕ ਵਾਹਨ ਨੂੰ ਜ਼ਬਤ ਕਰ ਲਿਆ ਸੀ। ਇਸ ਤੋਂ ਪਹਿਲਾਂ, ਹੋਰੋਵੇਨੁਆ ਦੇ ਮੇਅਰ ਬਰਨੀ ਵਾਂਡੇਨ ਨੇ ਕਿਹਾ ਕਿ ਗੋਲੀਬਾਰੀ ਦੀਆਂ ਘਟਨਾਵਾਂ ਵਿੱਚ ਵਾਧੇ ਕਾਰਨ ਵਸਨੀਕ ਚਿੰਤਤ ਅਤੇ ਡਰੇ ਹੋਏ ਹਨ।
