ਆਕਲੈਂਡ ਕੌਂਸਲ ਨੇ ਇੱਕ ਨਵੀ housing intensification replacement ਦੀ ਯੋਜਨਾ ਨੂੰ ਮਨਜ਼ੂਰੀ ਦਿੱਤੀ ਹੈ। ਜਿਸ ਤਹਿਤ ਜਨਤਕ ਆਵਾਜਾਈ ਕੇਂਦਰਾਂ ਦੇ ਆਲੇ-ਦੁਆਲੇ 10-15 ਮੰਜ਼ਿਲਾ ਉੱਚ-ਮੰਜ਼ਿਲਾਂ ਇਮਾਰਤਾਂ ਬਣਾਈਆਂ ਜਾ ਸਕਣਗੀਆਂ। ਦੱਸ ਦੇਈਏ ਆਉਣ ਵਾਲੇ ਦਹਾਕਿਆਂ ‘ਚ ਸ਼ਹਿਰ ਭਰ ਵਿੱਚ 20 ਲੱਖ ਨਵੇਂ ਘਰ ਅਲਾਟ ਕਰਨ ਦੀ ਕੌਂਸਲ ਦੀ ਯੋਜਨਾ ਸਪੱਸ਼ਟ ਹੋ ਗਈ ਹੈ। ਆਰਐਮਏ ਸੁਧਾਰ ਮੰਤਰੀ ਕ੍ਰਿਸ ਬਿਸ਼ਪ ਨੇ ਆਕਲੈਂਡ ਕੌਂਸਲ ਨੂੰ ਆਉਣ ਵਾਲੇ ਦਹਾਕਿਆਂ ਵਿੱਚ 20 ਲੱਖ ਘਰ ਅਲਾਟ ਕਰਨ ਅਤੇ ਸ਼ਹਿਰ ਦੇ ਕੁਦਰਤੀ ਖ਼ਤਰਿਆਂ ਦੇ ਜੋਖਮ ਵਾਲੇ ਹਿੱਸਿਆਂ ਨੂੰ ਘਟਾਉਣ ਲਈ ਨਿਰਦੇਸ਼ ਦਿੱਤੇ ਹਨ। ਉੱਥੇ ਹੀ ਕੌਂਸਲਰਾਂ ਨੇ 18–5 ਵੋਟਾਂ ਨਾਲ ਫ਼ੈਸਲਾ ਲਿਆ, ਇਹ ਪੁਰਾਣੇ ਪਲੈਨ ਚੇਂਜ 78 ਦੀ ਥਾਂ ਲਵੇਗਾ, ਜੋ ਸਾਰੇ ਸ਼ਹਿਰ ਵਿੱਚ 3 ਮੰਜ਼ਿਲਾਂ ਇਮਾਰਤਾਂ ਤੱਕ ਸੀਮਿਤ ਸੀ।
ਦੱਸ ਦੇਈਏ ਫ਼ੈਸਲੇ ਤੋਂ ਪਹਿਲਾਂ ਕੌਂਸਲ ਵਿੱਚ ਤਿੱਖੀ ਚਰਚਾ ਹੋਈ ਸੀ। ਵਿਰੋਧੀਆਂ ਨੇ ਕਿਹਾ ਕਿ ਇਸ ਯੋਜਨਾ ਵਿੱਚ ਸ਼ਹਿਰ ਦੇ ਖ਼ਾਸ ਵਿਰਾਸਤੀ ਇਲਾਕਿਆਂ ਨੂੰ ਨਜ਼ਰਅੰਦਾਜ਼ ਕੀਤਾ ਗਿਆ ਹੈ ਅਤੇ ਲੋਕਾਂ ਨਾਲ ਪੂਰੀ ਤਰ੍ਹਾਂ ਸਲਾਹ-ਮਸ਼ਵਰਾ ਨਹੀਂ ਕੀਤਾ ਗਿਆ। ਕੌਂਸਲਰ ਕ੍ਰਿਸਟੀਨ ਫ਼ਲੇਚਰ ਵੱਲੋਂ, ਇਹ ਫ਼ੈਸਲਾ ਤਿੰਨ ਮਹੀਨੇ ਲਈ ਟਾਲਣ ਦੀ ਪੇਸ਼ਕਸ਼, 15–8 ਵੋਟਾਂ ਨਾਲ ਰੱਦ ਹੋ ਗਈ। ਇਸ ਮੀਟਿੰਗ ਨੂੰ ਦੇਖਣ ਲਈ ਲਗਭਗ 20 ਲੋਕ ਜਨਤਕ ਗੈਲਰੀ ‘ਚ ਮੌਜੂਦ ਸਨ। ਯੋਜਨਾ ਦੇ ਹਮਾਇਤੀ ਕੌਂਸਲਰਾਂ ਨੇ ਦਲੀਲ ਦਿੱਤੀ ਕਿ ਹਾਈਰਾਈਜ਼ ਯੋਜਨਾ ਹੋਰ ਲਚਕੀਲੀ ਹੈ ਅਤੇ ਕੁਦਰਤੀ ਖ਼ਤਰਿਆਂ ਨੂੰ ਧਿਆਨ ਵਿੱਚ ਰੱਖਦਿਆਂ ਪਹਿਲੀ ਯੋਜਨਾ ਨਾਲੋਂ ਵੱਧ ਕਾਰਗਰ ਹੈ। ਹੁਣ ਇਹ ਨਵੀਂ ਯੋਜਨਾ ਲੋਕੀ ਸਲਾਹ ਲਈ ਪੇਸ਼ ਕੀਤੀ ਜਾਵੇਗੀ ਅਤੇ ਫਿਰ ਇਕ ਸੁਤੰਤਰ ਰਿਵਿਊ ਪੈਨਲ ਦੇ ਸਾਹਮਣੇ ਸੁਣਵਾਈ ਹੋਵੇਗੀ।