ਆਕਲੈਂਡ ਦੇ ਸੈਂਕੜੇ ਲੋਕਾਂ ਨੂੰ ਪ੍ਰੈਕਟੀਕਲ ਡਰਾਈਵਰ ਲਾਈਸਸ ਟੈਸਟ ਦੁਬਾਰਾ ਦੇਣਾ ਪਏਗਾ। ਦਰਅਸਲ VTNZ (Vehicle Testing NZ) ਦੇ ਅਧਿਕਾਰੀਆਂ ‘ਤੇ ਰਿਸ਼ਵਤ ਲੈ ਕੇ ਉਮੀਦਵਾਰਾਂ ਨੂੰ ਪਾਸ ਕਰਨ ਦੇ ਦੋਸ਼ ਲੱਗੇ ਹਨ। VTNZ ਵੱਲੋਂ NZTA ਨੂੰ ਸੂਚਿਤ ਕਰਨ ਤੋਂ ਬਾਅਦ ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੂਰਬੀ ਤਾਮਾਕੀ, ਆਕਲੈਂਡ ਦੀ ਇਸ ਸ਼ਾਖਾ ਵਿੱਚ ਡਰਾਈਵਰ ਟੈਸਟਿੰਗ ਅਫਸਰਾਂ ਦੇ ਇੱਕ ਸਮੂਹ ‘ਤੇ ਕਈ ਸਾਲਾਂ ਤੋਂ ਪ੍ਰੈਕਟੀਕਲ ਡਰਾਈਵਰ ਟੈਸਟਾਂ ਵਿੱਚ ਬੈਠੇ ਲੋਕਾਂ ਨੂੰ ਪਾਸ ਕਰਨ ਲਈ ਕਥਿਤ ਤੌਰ ‘ਤੇ ਪੈਸੇ ਲੈਣ ਦੇ ਇਲਜ਼ਾਮ ਲੱਗੇ ਹਨ। ਜਾਂਚ ਵਿੱਚ ਪੰਜ ਡਰਾਈਵਰ ਟੈਸਟਿੰਗ ਅਫਸਰਾਂ ਨਾਲ ਸਬੰਧਿਤ ਸ਼ੱਕੀ ਗੰਭੀਰ ਦੁਰਵਿਵਹਾਰ ਦੇ ਪਾਏ ਜਾਣ ਤੋਂ ਬਾਅਦ ਸੈਂਕੜੇ ਲੋਕਾਂ ਨੂੰ VTNZ ਦੁਆਰਾ ਕੀਤੇ ਗਏ ਡਰਾਈਵਿੰਗ ਟੈਸਟਾਂ ਵਿੱਚ ਦੁਬਾਰਾ ਬੈਠਣਾ ਪਵੇਗਾ। ਫਿਲਹਾਲ ਪੁਲਿਸ ਜਾਂਚ ਕਰ ਰਹੀ ਹੈ, 5 ਸਟਾਫ ਮੈਂਬਰ ਆਪਣੀਆਂ ਨੌਕਰੀਆਂ ਗੁਆ ਚੁੱਕੇ ਹਨ ਅਤੇ ਹੁਣ 322 ਲੋਕਾਂ ਨੂੰ ਦੁਬਾਰਾ ਟੈਸਟ ਦੇਣਾ ਪਵੇਗਾ।
ਪੁਲਿਸ ਦੇ ਮੁਤਾਬਿਕ 2023 ਤੋਂ ਜਿਹੜੇ ਇਹ ਟੈਸਟਿੰਗ ਆਫਿਸਰ ਨੇ ਇਹਨਾਂ ਦੇ ਵੱਲੋਂ ਕੈਸ਼ ਲੈ ਕੇ ਇਹਨਾਂ ਨੂੰ ਪਾਸ ਕੀਤਾ ਗਿਆ ਸੀ। ਆਕਲੈਂਡ ‘ਚ Vehicle Testing NZ ਉੱਤੇ ਫਿਲਹਾਲ ਦੇ ਲਈ ਪ੍ਰੈਕਟੀਕਲ ਲਾਈਸੈਂਸ ਟੈਸਟ ਬੰਦ ਕੀਤਾ ਗਿਆ ਪਰ ਹੋਰ ਸਾਰੀ ਸਰਵਿਸ ਇਸੇ ਤਰ੍ਹਾਂ ਚੱਲਦੀਆਂ ਰਹਿਣਗੀਆਂ ਵੀਟੀਐਨਜੈਡ ਦੇ ਵੱਲੋਂ ਇਸ ਮਾਮਲੇ ਦੇ ਉੱਤੇ ਫਿਲਹਾਲ ਕੋਈ ਟਿੱਪਣੀ ਨਹੀਂ ਕੀਤੀ ਗਈ।