ਇਸ ਹਫ਼ਤੇ ਸਮਾਜਿਕ ਵਿਕਾਸ ਮੰਤਰਾਲੇ ਦੇ ਆਈਟੀ ਸਿਸਟਮ ਵਿੱਚ ਆਈ ਸਮੱਸਿਆ ਕਾਰਨ ਕਰੀਬ 200 ਪੈਨਸ਼ਨਰਾਂ ਦੀ NZ ਸੁਪਰ ਤਹਿਤ ਮਿਲਣ ਵਾਲੀ ਪੈਨਸ਼ਨ ਪ੍ਰਭਾਵਿਤ ਹੋਈ ਹੈ। ਇੱਕ ਪੈਨਸ਼ਨਰ ਨੇ ਸਥਾਨਕ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਉਹ 10 ਸਾਲਾਂ ਤੋਂ NZ Super ਪੈਨਸ਼ਨ ਲੈ ਰਿਹਾ ਹੈ ਅਤੇ ਕੈਨੇਡਾ ਤੋਂ ਵੀ ਉਸਨੂੰ ਥੋੜ੍ਹੀ ਪੈਨਸ਼ਨ ਮਿਲਦੀ ਹੈ, ਪਰ ਇਸ ਵਾਰ ਉਸਦੀ ਰਕਮ ਸੋਮਵਾਰ ਨੂੰ ਨਹੀਂ ਆਈ। ਜਦੋਂ ਉਸਨੇ ਇਹ ਪੁੱਛਣ ਲਈ ਫ਼ੋਨ ਕੀਤਾ ਕਿ ਕੀ ਹੋਇਆ ਹੈ, ਤਾਂ ਉਸਨੂੰ ਦੱਸਿਆ ਗਿਆ ਕਿ ਸਿਸਟਮ ਵਿੱਚ ਇੱਕ ਗਲਤੀ ਹੈ ਅਤੇ ਕੈਨੇਡੀਅਨ ਜਾਂ ਨੀਦਰਲੈਂਡ ਪੈਨਸ਼ਨ ਪ੍ਰਾਪਤ ਕਰਨ ਵਾਲੇ ਹਰ ਵਿਅਕਤੀ ਦਾ NZ ਸੁਪਰ ਮੁਅੱਤਲ ਕਰ ਦਿੱਤਾ ਗਿਆ ਹੈ।
ਮੰਤਰਾਲੇ ਦੇ ਕੇਂਦਰੀਕ੍ਰਿਤ ਸੇਵਾਵਾਂ ਦੇ ਜਨਰਲ ਮੈਨੇਜਰ, ਪੌਲਾ ਰਤਾਹੀ-ਓ’ਨੀਲ ਨੇ ਕਿਹਾ ਕਿ ਉਹ ਇਸ ਨੁਕਸ ਨੂੰ ਠੀਕ ਕਰਨ ਲਈ ਤੁਰੰਤ ਕੰਮ ਕਰ ਰਹੇ ਹਨ ਜਿਸਨੇ ਵਿਦੇਸ਼ੀ ਪੈਨਸ਼ਨ ਪ੍ਰਾਪਤ ਕਰਨ ਵਾਲੇ ਲੋਕਾਂ ਨੂੰ ਪ੍ਰਭਾਵਿਤ ਕੀਤਾ ਹੈ।