ਪੂਰਬੀ ਲੱਦਾਖ ਦੇ ਗੋਗਰਾ ਖੇਤਰ ‘ਚ ਪੈਟਰੋਲ ਪੁਆਇੰਟ 17A ਤੋਂ ਪਿੱਛੇ ਹਟੀਆਂ ਭਾਰਤ-ਚੀਨ ਦੀਆਂ ਫ਼ੌਜਾਂ, ਹਟਾਏ ਗਏ ਅਸਥਾਈ ਢਾਂਚੇ

india china disengage in gogra

ਪਿਛਲੇ ਸਾਲ ਤੋਂ ਚੱਲ ਰਹੇ ਤਣਾਅ ਦੇ ਵਿਚਕਾਰ ਸ਼ੁੱਕਰਵਾਰ ਨੂੰ ਭਾਰਤ ਚੀਨ ਬਾਰਡਰ ਤੋਂ ਇੱਕ ਚੰਗੀ ਖਬਰ ਸਾਹਮਣੇ ਆਈ ਹੈ। ਦਰਅਸਲ ਭਾਰਤੀ ਅਤੇ ਚੀਨੀ ਫੌਜਾਂ ਪੂਰਬੀ ਲੱਦਾਖ ਦੇ ਪੈਟਰੋਲ ਪੁਆਇੰਟ 17-ਏ ਦੇ ਨੇੜੇ ਗੋਗਰਾ ਖੇਤਰ ਤੋਂ ਪਿੱਛੇ ਹੱਟਣ ਲਈ ਸਹਿਮਤ ਹੋ ਗਈਆਂ ਹਨ। ਭਾਰਤ ਅਤੇ ਚੀਨ ਦੀਆਂ ਫ਼ੌਜਾਂ ਦਰਮਿਆਨ ਗੱਲਬਾਤ ਦੇ 12 ਵੇਂ ਗੇੜ ਵਿੱਚ ਗੋਗਰਾ ਤੋਂ ਪਿੱਛੇ ਹੱਟਣ ‘ਤੇ ਸਹਿਮਤੀ ਬਣੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਸਾਲ ਮਈ ਵਿੱਚ ਇਸ ਇਲਾਕੇ ਵਿੱਚ ਸੈਨਿਕ ਆਹਮੋ -ਸਾਹਮਣੇ ਹੋਏ ਸਨ। ਜਿਸ ਤੋਂ ਬਾਅਦ ਦੋਹਾਂ ਫੌਜਾਂ ਵਿਚਾਲੇ ਗੱਲਬਾਤ ਸ਼ੁਰੂ ਹੋਈ ਅਤੇ ਦੋਵੇਂ ਧਿਰਾਂ ਹੁਣ ਇਸ ਖੇਤਰ ਤੋਂ ਪਿੱਛੇ ਹੱਟਣ ਲਈ ਸਹਿਮਤ ਹੋ ਗਈਆਂ ਸੀ। ਸਮਝੌਤੇ ਦੇ ਅਨੁਸਾਰ, ਦੋਵਾਂ ਧਿਰਾਂ ਨੇ ਪੜਾਅਵਾਰ, ਤਾਲਮੇਲ ਅਤੇ ਪ੍ਰਮਾਣਿਤ ਢੰਗ ਨਾਲ ਖੇਤਰ ਵਿੱਚ ਅਗੇਤੀ ਤਾਇਨਾਤੀ ਨੂੰ ਰੋਕ ਦਿੱਤਾ ਹੈ।

ਦਰਅਸਲ, ਭਾਰਤ ਅਤੇ ਚੀਨ ਵਿਚਾਲੇ ਸਰਹੱਦੀ ਵਿਵਾਦ ਨੂੰ ਲੈ ਕੇ ਬੀਤੇ ਦਿਨ 12 ਵੇਂ ਦੌਰ ਦੀ ਗੱਲਬਾਤ ਹੋਈ ਹੈ। ਗੱਲਬਾਤ ਦੇ ਇਸ 12 ਵੇਂ ਦੌਰ ਤੋਂ ਬਾਅਦ, ਦੋਵਾਂ ਦੇਸ਼ਾਂ ਦੇ ਸੈਨਿਕ ਗੋਗਰਾ ਵਿੱਚ ਪਿੱਛੇ ਹੱਟ ਗਏ ਹਨ। ਇਸਦੇ ਨਾਲ ਹੀ, ਗੋਗਰਾ ਵਿੱਚ ਬਣੇ ਸਾਰੇ ਆਰਜ਼ੀ ਢਾਂਚੇ ਵੀ ਹਟਾ ਦਿੱਤੇ ਗਏ ਹਨ। ਇਸ ਸੰਬੰਧ ਵਿੱਚ, ਭਾਰਤੀ ਫੌਜ ਨੇ ਇੱਕ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਇਸ ਹਫਤੇ ਦੇ ਸ਼ੁਰੂ ਵਿੱਚ ਦੱਸਿਆ ਗਿਆ ਸੀ, ਭਾਰਤ ਅਤੇ ਚੀਨ ਦੇ ਕੋਰ ਕਮਾਂਡਰਾਂ ਦੇ ਵਿੱਚ 12 ਵੇਂ ਦੌਰ ਦੀ ਮੀਟਿੰਗ 31 ਜੁਲਾਈ ਨੂੰ ਹੋਈ ਸੀ। ਇਹ ਮੀਟਿੰਗ ਪੂਰਬੀ ਲੱਦਾਖ ਦੇ ਚਸ਼ੁਲ ਮੋਲਡੋ ਮੀਟਿੰਗ ਸਥਾਨ ‘ਤੇ ਹੋਈ ਸੀ। ਇਸ ਵਿੱਚ ਸਰਹੱਦ ‘ਤੇ ਤਣਾਅ ਨੂੰ ਘੱਟ ਕਰਨ ਲਈ ਦੋਹਾਂ ਧਿਰਾਂ ਦੇ ਵਿੱਚ ਵਿਚਾਰਾਂ ਦਾ ਸਪੱਸ਼ਟ ਅਦਾਨ -ਪ੍ਰਦਾਨ ਹੋਇਆ ਸੀ, ਜਿਸ ਵਿੱਚ ਦੋਵੇਂ ਪੱਖ ਗੋਗਰਾ ਖੇਤਰ ਤੋਂ ਪਿੱਛੇ ਹੱਟਣ ਲਈ ਸਹਿਮਤ ਹੋਏ ਹਨ।

Leave a Reply

Your email address will not be published. Required fields are marked *