ਨਿਊਜ਼ੀਲੈਂਡ ਦੀ ਟਾਕਾਨਿਨੀ ਇਲੈਕਟੋਰੇਟ ਵਿੱਚ ਚੋਣੀ ਮੁਕਾਬਲਾ ਦਿਲਚਸਪ ਹੋ ਗਿਆ ਹੈ। ਲੇਬਰ ਪਾਰਟੀ ਨੇ ਕਮਿਊਨਿਟੀ ਲੀਡਰ ਖੜਗ ਸਿੰਘ ਨੂੰ ਆਪਣਾ ਉਮੀਦਵਾਰ ਬਣਾਇਆ ਹੈ, ਜੋ ਨੈਸ਼ਨਲ ਪਾਰਟੀ ਲਈ ਵੱਡੀ ਚੁਣੌਤੀ ਮੰਨੀ ਜਾ ਰਹੀ ਹੈ। ਭਾਰਤ ਜਨਮੇ ਖੜਗ ਸਿੰਘ ਕਈ ਸਾਲਾਂ ਤੋਂ ਦੱਖਣੀ ਆਕਲੈਂਡ ਵਿੱਚ ਰਹਿ ਕੇ ਕਾਰੋਬਾਰ ਅਤੇ ਸਮਾਜਿਕ ਸੇਵਾ ਨਾਲ ਜੁੜੇ ਹਨ। ਉਹ ਪਹਿਲਾਂ ਵੀ ਲੇਬਰ ਲਈ ਸਰਗਰਮ ਰਹੇ ਹਨ ਅਤੇ ਕਮਿਊਨਿਟੀ ਵਿੱਚ ਚੰਗੀ ਪਛਾਣ ਰੱਖਦੇ ਹਨ।
ਟਾਕਾਨਿਨੀ ਬਹੁ-ਸੱਭਿਆਚਾਰਕ ਇਲਾਕਾ ਹੈ, ਜਿੱਥੇ ਜਿੱਤ ਲਈ ਕਰੀਬ 20 ਹਜ਼ਾਰ ਵੋਟਾਂ ਦੀ ਲੋੜ ਹੁੰਦੀ ਹੈ। ਲੇਬਰ ਦੀ ਰਣਨੀਤੀ ਵੱਖ-ਵੱਖ ਭਾਈਚਾਰਿਆਂ ਦਾ ਸਮਰਥਨ ਹਾਸਿਲ ਕਰਕੇ ਸੀਟ ਵਾਪਸ ਜਿੱਤਣ ਦੀ ਹੈ। ਇਸ ਨਾਲ ਟਾਕਾਨਿਨੀ ਹੁਣ ਆਉਣ ਵਾਲੀਆਂ ਚੋਣਾਂ ਲਈ ਇੱਕ ਹਾਈ-ਪ੍ਰੋਫ਼ਾਈਲ ਅਤੇ ਟੱਕਰ ਵਾਲੀ ਸੀਟ ਬਣ ਗਈ ਹੈ।