ਚੋਰੀ ਹੋਈ ਬੈਂਟਲੇ ਦੀ ਜਾਂਚ ਤੋਂ ਬਾਅਦ ਆਕਲੈਂਡ ਪੁਲਿਸ ਨੂੰ ਚਾਰ ਹੋਰ ਚੋਰੀ ਹੋਏ ਵਾਹਨ ਅਤੇ ਇੱਕ ਲੋਡਿਡ ਸ਼ਾਟਗਨ ਮਿਲੀ ਹੈ ਜੋ ਕਥਿਤ ਤੌਰ ‘ਤੇ ਇੱਕ ਬੱਚੇ ਦੇ ਬਿਸਤਰੇ (ਬੈੱਡ ) ਦੇ ਹੇਠਾਂ ਲੁਕਾਈ ਹੋਈ ਸੀ। ਵਾਈਟਮੇਟਾ ਈਸਟ ਦੀ ਰਣਨੀਤਕ ਅਪਰਾਧ ਇਕਾਈ ਨੇ 1 ਦਸੰਬਰ ਨੂੰ ਸਵੇਰੇ ਤੜਕੇ ਲਗਜ਼ਰੀ ਬੈਂਟਲੇ ਬੈਂਟੇਗਾ ਐਸਯੂਵੀ ਮਾਲਕ ਦੇ ਘਰ ਤੋਂ ਚਾਬੀਆਂ ਖੋਹਣ ਤੋਂ ਬਾਅਦ ਜਾਂਚ ਸ਼ੁਰੂ ਕੀਤੀ ਸੀ। ਡਿਟੈਕਟਿਵ ਸੀਨੀਅਰ ਸਾਰਜੈਂਟ ਮਾਈਕ ਵਿਲੀਅਮਜ਼ ਨੇ ਕਿਹਾ ਕਿ ਕਾਰ ਵਿੱਚ ਕੀਮਤੀ ਸਮਾਨ ਸੀ, ਜਿਸ ਵਿੱਚ ਇੱਕ ਹੈਂਡਬੈਗ ਅਤੇ ਬੈਂਕ ਕਾਰਡ ਸ਼ਾਮਿਲ ਸਨ।
ਜਾਂਚਾਂ ਕਾਰਨ ਪੁਲਿਸ ਪਿਛਲੇ ਹਫ਼ਤੇ ਪੱਛਮੀ ਆਕਲੈਂਡ ਦੇ ਗਲੇਨ ਈਡਨ ਵਿੱਚ ਇੱਕ ਪਤੇ ‘ਤੇ ਪਹੁੰਚੀਆਂ। ਵਿਲੀਅਮਜ਼ ਨੇ ਕਿਹਾ ਕਿ, “ਪੁਲਿਸ ਨੇ ਜਾਇਦਾਦ ਦੀ ਤਲਾਸ਼ੀ ਲਈ, ਮੌਕੇ ‘ਤੇ ਚਾਰ ਹੋਰ ਚੋਰੀ ਹੋਏ ਵਾਹਨ ਲੱਭੇ। ਚਿੰਤਾ ਦੀ ਗੱਲ ਹੈ ਕਿ ਇੱਕ ਲੋਡਿਡ ਸ਼ਾਟਗਨ ਇੱਕ ਬਿਸਤਰੇ ਦੇ ਹੇਠਾਂ ਲੁਕਾਈ ਹੋਈ ਮਿਲੀ ਜਿੱਥੇ ਇੱਕ ਬੱਚਾ ਸੌਂ ਰਿਹਾ ਸੀ।” ਹਥਿਆਰ ਜ਼ਬਤ ਕਰ ਲਿਆ ਗਿਆ ਹੈ ਅਤੇ ਇੱਕ 31 ਸਾਲਾ ਵਿਅਕਤੀ ਅਤੇ 27 ਸਾਲਾ ਔਰਤ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਦੋਵਾਂ ਨੂੰ ਚੋਰੀ ਕੀਤੇ ਕ੍ਰੈਡਿਟ ਕਾਰਡਾਂ ਦੀ ਕਥਿਤ ਵਰਤੋਂ ਅਤੇ ਗੈਰ-ਕਾਨੂੰਨੀ ਹਥਿਆਰ ਰੱਖਣ ਅਤੇ ਬੇਈਮਾਨੀ ਦੇ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪਏਗਾ। ਹਾਲਾਂਕਿ, ਜਾਇਦਾਦ ‘ਤੇ ਕੋਈ ਬੈਂਟਲੇ ਨਹੀਂ ਸੀ ਅਤੇ ਪੁਲਿਸ ਨੇ ਪਿਛਲੇ ਹਫ਼ਤੇ ਦੇ ਅਖੀਰ ਵਿੱਚ ਪੱਛਮੀ ਆਕਲੈਂਡ ਦੇ ਹੁਈਆ ਤੋਂ ਲਗਜ਼ਰੀ ਐਸਯੂਵੀ ਬਰਾਮਦ ਕੀਤੀ ਸੀ।