ਕ੍ਰਾਈਸਚਰਚ ਦੇ ਬਰਵੁੱਡ ਇਲਾਕੇ ਵਿੱਚ ਅੱਧੀ ਰਾਤ ਇੱਕ ਦਰਦਨਾਕ ਘਟਨਾ ਦੌਰਾਨ ਇਕ ਵਿਅਕਤੀ ਦੀ ਮੌਤ ਹੋ ਗਈ। ਪ੍ਰਾਰੰਭਿਕ ਜਾਣਕਾਰੀ ਮੁਤਾਬਿਕ ਵਿਅਕਤੀ ਪਾਵਰ ਟ੍ਰਾਂਸਫਾਰਮਰ ਨਾਲ ਛੇੜਛਾੜ ਕਰ ਰਿਹਾ ਸੀ, ਜਿਸ ਦੌਰਾਨ ਉਸਨੂੰ ਤੇਜ਼ ਬਿਜਲੀ ਦਾ ਝਟਕਾ ਲੱਗਿਆ ਅਤੇ ਅੱਗ ਲੱਗ ਗਈ।
ਘਟਨਾ ਬਰੂਕਰ ਐਵਿਨਿਊ ‘ਤੇ ਵਾਪਰੀ, ਜਿੱਥੇ ਟ੍ਰਾਂਸਫਾਰਮਰ ਵਿੱਚ ਅੱਗ ਲੱਗਣ ਦੀ ਸੂਚਨਾ ਮਿਲਣ ‘ਤੇ ਐਮਰਜੈਂਸੀ ਸੇਵਾਵਾਂ ਮੌਕੇ ‘ਤੇ ਪਹੁੰਚੀਆਂ। ਟ੍ਰਾਂਸਫਾਰਮਰ ਚਾਲੂ ਹੋਣ ਕਾਰਨ ਤੁਰੰਤ ਰਾਹਤ ਕਾਰਵਾਈ ਨਹੀਂ ਹੋ ਸਕੀ।
ਬਿਜਲੀ ਬੰਦ ਕਰਨ ਲਈ ਲਗਭਗ 700 ਘਰਾਂ ਦੀ ਸਪਲਾਈ ਰੋਕਣੀ ਪਈ, ਜਿਸ ਤੋਂ ਬਾਅਦ ਹੀ ਹਾਲਾਤ ਕਾਬੂ ਵਿੱਚ ਲਿਆਂਦੇ ਗਏ। ਬਾਅਦ ਵਿੱਚ ਇਲਾਕੇ ਦੀ ਬਿਜਲੀ ਸਪਲਾਈ ਮੁੜ ਚਾਲੂ ਕਰ ਦਿੱਤੀ ਗਈ।
ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਇਹ ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਘਟਨਾ ਕਾਪਰ ਚੋਰੀ ਦੀ ਕੋਸ਼ਿਸ਼ ਨਾਲ ਸੰਬੰਧਿਤ ਹੋ ਸਕਦੀ ਹੈ।