ਕੱਲ੍ਹ ਪੱਛਮੀ ਆਕਲੈਂਡ ਦੇ ਇੱਕ ਫਾਰਮ ਵਿੱਚ ਚੋਰੀ ਕਰਨ ਆਇਆ ਚੋਰ ਕਸੂਤਾ ਫਸ ਗਿਆ ਦਰਅਸਲ ਉਸ ਵੱਲੋਂ ਪਹਿਲਾਂ ਚੋਰੀ ਕੀਤੀ ਹੋਈ ਗੱਡੀ ਚਿੱਕੜ ਵਿੱਚ ਫਸ ਗਈ ਜਿਸ ਤੋਂ ਬਾਅਦ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਪੁਲਿਸ ਨੂੰ ਘਟਨਾ ਬਾਰੇ ਸੂਚਿਤ ਕੀਤਾ ਗਿਆ ਸੀ ਜਦੋਂ ਇਹ ਵਿਅਕਤੀ ਦੁਪਹਿਰ 3.15 ਵਜੇ ਦੇ ਕਰੀਬ ਹੈਂਡਰਸਨ ਵੈਲੀ ਵਿੱਚ ਇੱਕ ਸ਼ੈੱਡ ਵਿੱਚ ਦਾਖਲ ਹੋਇਆ ਅਤੇ ਚੀਜ਼ਾਂ ਚੁੱਕਣੀਆਂ ਸ਼ੁਰੂ ਕਰ ਦਿੱਤੀਆਂ। ਕਾਰਜਕਾਰੀ ਇੰਸਪੈਕਟਰ ਨਿੱਕ ਸਾਲਟਰ ਨੇ ਕਿਹਾ ਕਿ ਉਸ ਆਦਮੀ ਨੂੰ ਚੋਰੀ ਹੋਈ ਗੱਡੀ ਵਿੱਚ ਜਾਇਦਾਦ ਤੋਂ ਭੱਜਦੇ ਹੋਏ ਦੇਖਿਆ ਗਿਆ ਸੀ, ਜੋ ਥੋੜ੍ਹੀ ਦੇਰ ਬਾਅਦ ਚਿੱਕੜ ‘ਚ ਫਸ ਗਿਆ। ਫਿਰ ਉਹ ਪੈਦਲ ਹੀ ਉੱਥੋਂ ਭੱਜ ਗਿਆ।
40 ਸਾਲਾ ਵਿਅਕਤੀ ਨੇ ਫਿਰ ਕਥਿਤ ਤੌਰ ‘ਤੇ ਇੱਕ ਗੁਆਂਢੀ ਜਾਇਦਾਦ ਤੋਂ ਇੱਕ ਗੱਡੀ ਚੋਰੀ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਨੇੜਲੇ ਕਰਮਚਾਰੀਆਂ ਦੁਆਰਾ ਉਸਨੂੰ ਚੁਣੌਤੀ ਦਿੱਤੀ ਗਈ। ਸਾਲਟਰ ਨੇ ਕਿਹਾ ਕਿ “ਉਹ ਆਖਰਕਾਰ ਇੱਕ ਵੈਨ ਅਤੇ ਕਵਾਡ ਬਾਈਕ ਚੋਰੀ ਕਰਨ ਵਿੱਚ ਅਸਫਲ ਰਿਹਾ, ਵੱਖ-ਵੱਖ ਔਜ਼ਾਰਾਂ ਨਾਲ ਪੈਦਲ ਭੱਜ ਗਿਆ।” ਫਿਰ ਪੁਲਿਸ ਨੇ ਤਲਾਸ਼ੀ ਅਭਿਆਨ ਚਲਾ ਉਸ ਵਿਅਕਤੀ ਨੂੰ ਓਸੇ ਇਲਾਕੇ ‘ਚੋਂ ਗ੍ਰਿਫਤਾਰ ਕਰ ਲਿਆ। ਉਸ ‘ਤੇ ਚੋਰੀ ਕਰਨ ਅਤੇ ਭੰਗ ਰੱਖਣ ਦਾ ਦੋਸ਼ ਲਗਾਇਆ ਗਿਆ ਹੈ ਅਤੇ ਅੱਜ ਵੈਟਾਕੇਰੇ ਜ਼ਿਲ੍ਹਾ ਅਦਾਲਤ ਵਿੱਚ ਪੇਸ਼ ਕੀਤੇ ਜਾਣ ਦੀ ਉਮੀਦ ਹੈ।