ਸ਼ਨੀਵਾਰ ਸਵੇਰੇ ਆਕਲੈਂਡ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਐਮਰਜੈਂਸੀ ਸੇਵਾਵਾਂ ਸਟੈਂਡਬਾਏ ‘ਤੇ ਸਨ ਕਿਉਂਕਿ ਸਿਡਨੀ ਤੋਂ ਇੱਕ ਫਲਾਈਟ ਦੇ ਪਾਇਲਟ ਨੇ ਕਾਰਗੋ ਹੋਲਡ ‘ਚ ਅੱਗ ਲੱਗਣ ਦੀ ਚਿਤਾਵਨੀ ਦੇ ਕਾਰਨ ਤਸਮਾਨ ਉੱਤੇ Mayday ਦਾ ਮੈਸਜ ਭੇਜਿਆ ਸੀ। ਫਲਾਈਟ QF 141 ਅੱਜ ਸਵੇਰੇ ਸਿਡਨੀ ਤੋਂ ਰਵਾਨਾ ਹੋਈ ਅਤੇ ਲਗਭਗ 11.47 ਵਜੇ ਆਕਲੈਂਡ ਵਿੱਚ ਸੁਰੱਖਿਅਤ ਉਤਰੀ। ਕਵਾਂਟਸ ਨੇ ਦੱਸਿਆ ਕਿ ਪਾਇਲਟ ਨੇ “ਕਾਰਗੋ ਹੋਲਡ ਤੋਂ ਰੁਕ-ਰੁਕ ਕੇ ਅੱਗ ਲੱਗਣ ਦੀ ਚਿਤਾਵਨੀ” ਤੋਂ ਬਾਅਦ ਇੱਕ Mayday ਕਾਲ ਜਾਰੀ ਕੀਤੀ। ਇੱਕ ਬੁਲਾਰੇ ਨੇ ਕਿਹਾ ਕਿ, “ਜਹਾਜ਼ ਆਕਲੈਂਡ ਹਵਾਈ ਅੱਡੇ ‘ਤੇ ਸੁਰੱਖਿਅਤ ਲੈਂਡ ਹੋਇਆ ਅਤੇ ਯਾਤਰੀ ਵੀ ਸੁਰੱਖਿਅਤ ਉਤਰ ਗਏ।” ਉਨ੍ਹਾਂ ਕਿਹਾ ਕਿ, “ਸ਼ੁਰੂਆਤੀ ਜਾਂਚਾਂ ਵਿੱਚ ਰਿਪੋਰਟ ਕੀਤੀ ਗਈ ਹੈ ਕਿ ਸਾਹਮਣੇ ਵਾਲੇ ਕਾਰਗੋ ਹੋਲਡ ਵਿੱਚ ਕੋਈ ਅੱਗ ਨਹੀਂ ਲੱਗੀ। ਸਾਡੇ ਇੰਜੀਨੀਅਰ ਕਾਰਨ ਦਾ ਪਤਾ ਲਗਾਉਣ ਲਈ ਜਹਾਜ਼ ਦਾ ਮੁਆਇਨਾ ਕਰਨਗੇ।”
