ਨਿਊਜ਼ੀਲੈਂਡ ਸਰਕਾਰ ਵੱਲੋਂ 2027 ਤੋਂ ਨਵਾਂ Citizenship Test ਲਾਗੂ ਕਰਨ ਦੇ ਐਲਾਨ ਮਗਰੋਂ ਪਰਵਾਸੀਆਂ ਵਿੱਚ ਚਰਚਾ ਤੇ ਚਿੰਤਾ ਦੋਵੇਂ ਵਧ ਗਈਆਂ ਹਨ। ਕਈ Permanent Residency (PR) holders ਹੁਣ ਜਲਦ ਤੋਂ ਜਲਦ citizenship ਲਈ ਅਰਜ਼ੀ ਦੇਣ ਬਾਰੇ ਸੋਚ ਰਹੇ ਹਨ ਤਾਂ ਜੋ ਨਵੇਂ ਨਿਯਮਾਂ ਤੋਂ ਬਚਿਆ ਜਾ ਸਕੇ। ਨਵੇਂ ਨਿਯਮਾਂ ਮੁਤਾਬਕ citizenship ਲਈ ਅਪਲਾਈ ਕਰਨ ਵਾਲਿਆਂ ਨੂੰ 20 ਸਵਾਲਾਂ ਵਾਲਾ ਟੈਸਟ ਪਾਸ ਕਰਨਾ ਹੋਵੇਗਾ, ਜਿਸ ਵਿੱਚ ਘੱਟੋ-ਘੱਟ 15 ਸਹੀ ਜਵਾਬ ਲਾਜ਼ਮੀ ਹੋਣਗੇ। ਟੈਸਟ ਵਿੱਚ Bill of Rights Act, voting rights, criminal laws, democratic system ਅਤੇ ਨਿਊਜ਼ੀਲੈਂਡ ਦੀ ਸਰਕਾਰੀ ਪ੍ਰਣਾਲੀ ਨਾਲ ਸੰਬੰਧਿਤ ਸਵਾਲ ਸ਼ਾਮਿਲ ਕੀਤੇ ਜਾਣ ਦੀ ਸੰਭਾਵਨਾ ਹੈ।
ਵੈਲਿੰਗਟਨ ਵਿੱਚ ਰਹਿੰਦੇ Victor Wang ਨੇ ਕਿਹਾ ਕਿ ਉਹ ਪਹਿਲਾਂ citizenship ਲਈ apply ਕਰਨ ਤੋਂ ਹਿਚਕਚਾ ਰਹੇ ਸਨ ਕਿਉਂਕਿ ਚੀਨ dual citizenship ਦੀ ਮਨਜ਼ੂਰੀ ਨਹੀਂ ਦਿੰਦਾ। ਪਰ ਹੁਣ ਨਵੇਂ citizenship test ਦੇ ਐਲਾਨ ਤੋਂ ਬਾਅਦ ਉਹ ਜਲਦੀ ਅਰਜ਼ੀ ਦੇਣ ਬਾਰੇ ਵਿਚਾਰ ਕਰ ਰਹੇ ਹਨ। ਦੂਜੇ ਪਾਸੇ ਕਈ migrants ਨੇ ਇਸ ਟੈਸਟ ਨੂੰ ਵਾਧੂ ਬੋਝ ਕਰਾਰ ਦਿੱਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਨਾਲ ਖਰਚੇ ਅਤੇ ਪ੍ਰਕਿਰਿਆ ਦੀ ਜਟਿਲਤਾ ਵਧੇਗੀ। ਕੁਝ ਲੋਕਾਂ ਦਾ ਮੰਨਣਾ ਹੈ ਕਿ ਜਿਹੜੇ ਲੋਕ ਲੰਬੇ ਸਮੇਂ ਤੋਂ ਨਿਊਜ਼ੀਲੈਂਡ ਵਿੱਚ ਰਹਿ ਰਹੇ ਹਨ ਜਾਂ ਇਥੇ ਪੜ੍ਹਾਈ ਕਰ ਚੁੱਕੇ ਹਨ, ਉਨ੍ਹਾਂ ਨੂੰ ਟੈਸਟ ਤੋਂ ਛੋਟ ਮਿਲਣੀ ਚਾਹੀਦੀ ਹੈ।