ਹੈਲਥ ਨਿਊਜ਼ੀਲੈਂਡ ਨੇ ਅੱਜ ਖਸਰੇ ਦਾ ਇੱਕ ਨਵਾਂ ਮਾਮਲਾ ਦਰਜ ਕੀਤਾ ਹੈ, ਜਿਸ ਨਾਲ ਦੇਸ਼ ਭਰ ਵਿੱਚ ਕੁੱਲ ਮਾਮਲਿਆਂ ਦੀ ਗਿਣਤੀ 22 ਹੋ ਗਈ ਹੈ। ਹਾਲਾਂਕਿ ਉਸ ਗਿਣਤੀ ਵਿੱਚੋਂ, 21 ਮਾਮਲੇ ਹੁਣ ਛੂਤਕਾਰੀ ਨਹੀਂ ਸਨ। ਵੈਲਿੰਗਟਨ ਵਿੱਚ ਨਵਾਂ ਮਾਮਲਾ ਪਹਿਲਾਂ ਦੇ ਇੱਕ ਕੇਸ ਨਾਲ ਜੁੜਿਆ ਹੋਇਆ ਸੀ। Locations of interest ਵਿੱਚ 22 ਨਵੰਬਰ, ਸ਼ਨੀਵਾਰ ਨੂੰ ਸ਼ਾਮ 6.05 ਵਜੇ ਤੋਂ 7.35 ਵਜੇ ਤੱਕ ਵੇਕਫੀਲਡ ਸਟ੍ਰੀਟ ‘ਤੇ ਨਿਊ ਵਰਲਡ ਵੈਲਿੰਗਟਨ ਸਿਟੀ; ਸੋਮਵਾਰ, 24 ਨਵੰਬਰ ਨੂੰ ਦੁਪਹਿਰ 12.40 ਵਜੇ ਤੋਂ 2.10 ਵਜੇ ਤੱਕ ਲਕਸਫੋਰਡ ਸਟ੍ਰੀਟ ‘ਤੇ ਬੀਪੀ 2ਗੋ ਬਰਹਮਪੋਰ; ਅਤੇ ਵੀਰਵਾਰ, 27 ਨਵੰਬਰ ਨੂੰ ਸਵੇਰੇ 8.55 ਵਜੇ ਤੋਂ 10.20 ਵਜੇ ਤੱਕ ਰਿਡੀਫੋਰਡ ਸਟ੍ਰੀਟ ‘ਤੇ ਨਿਊ ਵਰਲਡ ਨਿਊਟਾਊਨ ਸ਼ਾਮਿਲ ਹਨ।
Te Whatu Ora ਨੇ ਕਿਹਾ ਕਿ “ਜਿਸ ਕਿਸੇ ਨੂੰ ਵੀ ਖਸਰੇ ਦੇ ਲੱਛਣ ਦਿਖਾਈ ਦਿੰਦੇ ਹਨ, ਜਿਸ ਵਿੱਚ ਬੁਖਾਰ, ਖੰਘ, ਅੱਖਾਂ ਵਗਣਾ ਜਾਂ ਲਾਲ ਹੋਣਾ, ਅਤੇ ਚਿਹਰੇ ‘ਤੇ ਧੱਫੜ ਸ਼ਾਮਿਲ ਹਨ, ਨੂੰ ਹੈਲਥਲਾਈਨ ਨੂੰ 0800 611 116 ‘ਤੇ ਜਾਂ ਆਪਣੇ ਆਮ ਸਿਹਤ ਸੰਭਾਲ ਪ੍ਰਦਾਤਾ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ।”