ਭਾਰਤੀ ਮੂਲ ਦੇ ਆਲਰਾਊਂਡਰ ਕ੍ਰਿਕਟਰ Nikhil Chaudhary ਇਸ ਸਮੇਂ ਚਰਚਾ ਦੇ ਵਿੱਚ ਹਨ। ਜਿਨ੍ਹਾਂ ਦਾ ਜਨਮ ਦਿੱਲੀ ਵਿੱਚ ਹੋਇਆ ਅਤੇ ਪਰਵਰਿਸ਼ ਪੰਜਾਬ ਦੇ ਲੁਧਿਆਣਾ ਵਿੱਚ ਹੋਈ ਹੈ। ਉਹ ਸੱਜੇ ਹੱਥ ਦੇ ਬੱਲੇਬਾਜ਼ ਅਤੇ ਲੈਗ-ਸਪਿਨ ਗੇਂਦਬਾਜ਼ ਹਨ। ਨਿਖਿਲ ਚੌਧਰੀ ਨੂੰ ਆਸਟ੍ਰੇਲੀਆ ਦੀ ਟੀ-20 ਟੀਮ ਵਿੱਚ ਬੰਗਲਾਦੇਸ਼ ਖ਼ਿਲਾਫ਼ ਸੀਰੀਜ਼ ਲਈ ਪਹਿਲੀ ਵਾਰ ਚੁਣਿਆ ਗਿਆ ਹੈ। ਜੇਕਰ ਉਹ ਡੈਬਿਊ ਕਰਦੇ ਹਨ ਤਾਂ ਉਹ ਕਈ ਦਹਾਕਿਆਂ ‘ਚ ਆਸਟ੍ਰੇਲੀਆ ਲਈ ਖੇਡਣ ਵਾਲੇ ਪਹਿਲੇ ਭਾਰਤੀ ਪੁਰਸ਼ ਕ੍ਰਿਕਟਰ ਬਣ ਸਕਦੇ ਹਨ।
ਲੁਧਿਆਣਾ ਨਾਲ ਸਬੰਧਿਤ ਭਾਰਤੀ ਮੂਲ ਦੇ ਆਲਰਾਊਂਡਰ ਨਿਖਿਲ ਚੌਧਰੀ ਨੂੰ ਆਸਟ੍ਰੇਲੀਆ ਦੀ ਟੀ-20 ਟੀਮ ਵਿੱਚ ਪਹਿਲੀ ਵਾਰ ਜਗ੍ਹਾ ਮਿਲੀ ਹੈ। ਪੰਜਾਬ ਲਈ ਘਰੇਲੂ ਕ੍ਰਿਕਟ ਖੇਡ ਚੁੱਕੇ ਨਿਖਿਲ ਨੇ ਬਿਗ ਬੈਸ਼ ਲੀਗ ਅਤੇ ਤਸਮਾਨੀਆ ਲਈ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਚੋਣਕਾਰਾਂ ਨੂੰ ਪ੍ਰਭਾਵਿਤ ਕੀਤਾ। ਉਨ੍ਹਾਂ ਦੀ ਚੋਣ ਨੂੰ ਪੰਜਾਬੀ ਕ੍ਰਿਕਟ ਲਈ ਵੀ ਮਾਣ ਵਾਲੀ ਗੱਲ ਮੰਨਿਆ ਜਾ ਰਿਹਾ ਹੈ।
ਕਰੀਅਰ ਦੀਆਂ ਖਾਸ ਗੱਲਾਂ
ਪੰਜਾਬ ਲਈ ਰਣਜੀ ਟਰਾਫੀ ਅਤੇ ਘਰੇਲੂ ਕ੍ਰਿਕਟ ਖੇਡ ਚੁੱਕੇ ਹਨ।
ਕੋਵਿਡ ਦੌਰਾਨ ਆਸਟ੍ਰੇਲੀਆ ਵਿੱਚ ਫਸ ਜਾਣ ਤੋਂ ਬਾਅਦ ਉੱਥੇ ਕਲੱਬ ਕ੍ਰਿਕਟ ਖੇਡਣੀ ਸ਼ੁਰੂ ਕੀਤੀ ਅਤੇ ਆਪਣੀ ਕਾਬਲੀਅਤ ਨਾਲ ਪਹਿਚਾਣ ਬਣਾਈ।
ਆਸਟ੍ਰੇਲੀਆ ਦੀ Hobart Hurricanes ਅਤੇ Tasmania ਲਈ ਖੇਡਦੇ ਹਨ।
ਉਹ ਬਿਗ ਬੈਸ਼ ਲੀਗ (BBL) ਖੇਡਣ ਵਾਲੇ ਭਾਰਤੀ ਮੂਲ ਦੇ ਚਰਚਿਤ ਕ੍ਰਿਕਟਰਾਂ ਵਿੱਚੋਂ ਇੱਕ ਹਨ।