ਸਰਕਾਰ ਦੁਆਰਾ ਹੁਨਰਮੰਦ ਪ੍ਰਵਾਸੀਆਂ ਲਈ ਰਿਹਾਇਸ਼ ਲਈ ਦੋ ਨਵੇਂ ਮਾਰਗਾਂ ਦਾ ਐਲਾਨ ਕੀਤਾ ਗਿਆ ਹੈ, ਜਿਸਦਾ ਉਦੇਸ਼ ਕਾਰਜਬਲ ਵਿੱਚ ਪਾੜੇ ਨੂੰ ਪੂਰਾ ਕਰਨਾ ਅਤੇ ਕਾਰੋਬਾਰਾਂ ਨੂੰ ਕਰਮਚਾਰੀਆਂ ਨੂੰ ਬਣਾਈ ਰੱਖਣ ਵਿੱਚ ਮਦਦ ਕਰਨਾ ਹੈ। ਹਾਲਾਂਕਿ ਇਸ ਐਲਾਨ ਮਗਰੋਂ ਗੱਠਜੋੜ ਪਾਰਟੀ NZ First ਨੇ “agree to disagree” ਧਾਰਾ ਨੂੰ ਲਾਗੂ ਕੀਤਾ ਹੈ। ਉਨ੍ਹਾਂ ਚਿੰਤਾ ਜਤਾਈ ਕਿ ਨਵੇਂ ਮਾਰਗਾਂ ਨੂੰ ਲੋਕਾਂ ਲਈ ਆਸਟ੍ਰੇਲੀਆ ਵਿੱਚ ਦਾਖਲ ਹੋਣ ਲਈ ਇੱਕ ਕਦਮ ਵਜੋਂ ਵਰਤਿਆ ਜਾ ਸਕਦਾ ਹੈ। ਜ਼ਿਕਰਯੋਗ ਹੈ ਕਿ ਨਿਊਜ਼ੀਲੈਂਡ ਫਸਟ ਵੱਲੋਂ ਇਹ ਪਹਿਲੀ ਵਾਰ ਹੈ ਕਿ ਮੌਜੂਦਾ ਟਰਮ ਵਿੱਚ ਇਮੀਗ੍ਰੇਸ਼ਨ ਨੀਤੀ ਨੂੰ ਲੈ ਕੇ “agree to disagree” ਧਾਰਾ ਕਦਮ ਦੀ ਵਰਤੋਂ ਕੀਤੀ ਗਈ ਹੈ। ਸਰਕਾਰ ਦਾ ਕਹਿਣਾ ਹੈ ਕਿ ਨਵੀਆਂ ਰਾਹਦਾਰੀਆਂ ਨਾਲ ਵਿਦੇਸ਼ੀ ਹੁਨਰਮੰਦਾਂ ਨੂੰ ਰਿਹਾਇਸ਼ੀ ਦਰਜਾ ਮਿਲਣ ਵਿੱਚ ਸੁਵਿਧਾ ਹੋਵੇਗੀ, ਜਿਸ ਨਾਲ ਕਈ ਉਦਯੋਗਾਂ ਵਿੱਚ ਮਜ਼ਦੂਰਾਂ ਦੀ ਘਾਟ ਪੂਰੀ ਹੋ ਸਕੇਗੀ। ਨਵੇਂ ਪ੍ਰਸਤਾਵਾਂ ਦਾ ਧਿਆਨ ਖ਼ਾਸ ਕਰਕੇ ਉਹਨਾਂ ਖੇਤਰਾਂ ’ਤੇ ਹੈ ਜਿੱਥੇ ਲੰਮੇ ਸਮੇਂ ਤੋਂ ਕਰਮਚਾਰੀਆਂ ਦੀ ਕਮੀ ਮਹਿਸੂਸ ਕੀਤੀ ਜਾ ਰਹੀ ਹੈ।
ਪਰ NZ First ਨੇ ਇਸ ਪ੍ਰਸਤਾਵ ਨੂੰ “ਗਲਤ ਦਿਸ਼ਾ ਵਾਲਾ” ਕਹਿੰਦੇ ਹੋਏ ਵਿਰੋਧ ਕੀਤਾ ਹੈ। ਪਾਰਟੀ ਦਾ ਮੰਨਣਾ ਹੈ ਕਿ ਇਹ ਕਦਮ ਨਿਊਜ਼ੀਲੈਂਡ ਦੇ ਸਥਾਨਕ ਕਰਮਚਾਰੀਆਂ ’ਤੇ ਦਬਾਅ ਪਾ ਸਕਦਾ ਹੈ, ਕਿਉਂਕਿ ਰਿਹਾਇਸ਼ੀ ਪਾਥਵੇਜ਼ ਦਾ ਵਿਸਥਾਰ ਦੇਸ਼ ਦੇ ਲੋਕਾਂ ਲਈ ਰੋਜ਼ਗਾਰ ਦੇ ਮੌਕੇ ਘਟਾ ਸਕਦਾ ਹੈ।