ਭਾਵੇਂ ਭਾਰਤ ਹੋਵੇ ਜਾਂ ਫਿਰ ਨਿਊਜ਼ੀਲੈਂਡ ਦੋਵਾਂ ਹੀ ਥਾਵਾਂ ‘ਤੇ ਨੌਕਰੀਆਂ ਦੀ ਘਾਟ ਨੇ ਨੌਜਵਾਨਾਂ ਦੀਆਂ ਚਿੰਤਾਵਾਂ ‘ਚ ਵੱਡਾ ਵਾਧਾ ਕੀਤਾ ਹੋਇਆ ਹੈ। ਤਾਜ਼ਾ ਮਾਮਲਾ NZ ਦਾ ਹੈ ਇੱਥੇ ਨਵੇਂ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਜੂਨ ਵਿੱਚ ਨਿਊਜ਼ੀਲੈਂਡ ਵਿੱਚ ਪਿਛਲੇ ਸਾਲ ਦੇ ਮੁਕਾਬਲੇ 27,850 ਨੌਕਰੀਆਂ ਘਟੀਆ ਸਨ, ਅਤੇ ਨੌਜਵਾਨ ਕਮਜ਼ੋਰ ਕਿਰਤ ਬਾਜ਼ਾਰ ਦਾ ਪ੍ਰਭਾਵ ਮਹਿਸੂਸ ਕਰ ਰਹੇ ਹਨ। ਸਟੈਟਸ NZ ਦੇ ਤਾਜ਼ਾ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਭਰੀਆਂ ਨੌਕਰੀਆਂ ਦੀ ਗਿਣਤੀ ਮਹੀਨੇ-ਦਰ-ਮਹੀਨੇ 0.1 ਪ੍ਰਤੀਸ਼ਤ ਵੱਧ ਸੀ ਜਦਕਿ ਇਸ ਦੇ ਉਲਟ ਸਾਲ-ਦਰ-ਸਾਲ 1.2 ਪ੍ਰਤੀਸ਼ਤ ਘਟੀ ਹੈ।
ਸਟੈਟਸ NZ ਦੇ ਅਨੁਸਾਰ ਪਿਛਲੇ ਸਾਲ ਦੇ ਮੁਕਾਬਲੇ Construction ਖੇਤਰ ‘ਚ 12,169 ਨੌਕਰੀਆਂ, ਜਾਂ 6 ਪ੍ਰਤੀਸ਼ਤ, ਨਿਰਮਾਣ ਵਿੱਚ 5850 ਨੌਕਰੀਆਂ, ਜਾਂ 2.5 ਪ੍ਰਤੀਸ਼ਤ, ਪੇਸ਼ੇਵਰ, ਵਿਗਿਆਨਕ ਅਤੇ ਤਕਨੀਕੀ ਸੇਵਾਵਾਂ ਵਿੱਚ 5150 ਨੌਕਰੀਆਂ, ਜਾਂ 2.7 ਪ੍ਰਤੀਸ਼ਤ, ਅਤੇ ਪ੍ਰਬੰਧਕ ਅਤੇ ਸਹਾਇਤਾ ਸੇਵਾਵਾਂ ਵਿੱਚ 4860 ਨੌਕਰੀਆਂ, ਜਾਂ 4.7 ਪ੍ਰਤੀਸ਼ਤ ਘੱਟ ਹੋਈਆਂ ਸਨ।
ਹਾਲਾਂਕਿ ਸਿੱਖਿਆ ਅਤੇ ਸਿਖਲਾਈ ਅਤੇ ਪ੍ਰਾਇਮਰੀ ਉਦਯੋਗਾਂ ‘ਚ ਨੌਕਰੀਆਂ ਦੀ ਗਿਣਤੀ ਵਧੀ ਹੈ। 15 ਤੋਂ 19 ਸਾਲ ਦੀ ਉਮਰ ਦੇ ਲੋਕਾਂ ਕੋਲ 10 ਪ੍ਰਤੀਸ਼ਤ ਘੱਟ ਨੌਕਰੀਆਂ ਸਨ, 20 ਤੋਂ 24 ਲੋਕਾਂ ਕੋਲ 3.5 ਪ੍ਰਤੀਸ਼ਤ ਘੱਟ ਅਤੇ 25 ਤੋਂ 29 ਸਾਲ ਦੀ ਉਮਰ ਦੇ ਲੋਕਾਂ ਕੋਲ 3.9 ਪ੍ਰਤੀਸ਼ਤ ਘੱਟ ਸਨ।