ਕ੍ਰਾਈਸਚਰਚ ਦੇ ਓਰਾਨਾ ਵਾਈਲਡਲਾਈਫ ਪਾਰਕ ਵਿੱਚ ਇੱਕ ਜਿਰਾਫ ਅਤੇ ਇੱਕ ਜ਼ੈਬਰਾ ਬੱਚੇ ਦੀ ਮੌਤ ਹੋ ਗਈ ਹੈ। ਮੰਗਲਵਾਰ ਨੂੰ ਇੱਕ ਮੀਡੀਆ ਰਿਲੀਜ਼ ਵਿੱਚ ਕਿਹਾ ਗਿਆ ਹੈ ਕਿ 12 ਸਾਲਾ ਮਡੋਮੋ ਜਿਰਾਫ ਅਤੇ ਪੰਜ ਮਹੀਨੇ ਦੇ ਜ਼ੈਬਰਾ ਵੱਛੇ ਜ਼ੀਯੋਰ ਦੀ ਮੌਤ ਨੇ ਪਾਰਕ ਦੇ ਸਟਾਫ ਮੈਂਬਰਾਂ ਨੂੰ ਬਹੁਤ ਦੁਖੀ ਕਰ ਦਿੱਤਾ ਸੀ। ਪਿਛਲੇ ਹਫ਼ਤੇ ਜਨਰਲ ਅਨੱਸਥੀਸੀਆ ਦੇਣ ਤੋਂ ਬਾਅਦ ਸ਼ੁੱਕਰਵਾਰ ਦੁਪਹਿਰ ਵੇਲੇ ਮਡੋਮੋ ਦੀ ਮੌਤ ਹੋ ਗਈ ਸੀ। ਮਡੋਮੋ ਦੀ ਸੱਜੀ ਗੱਲ੍ਹ ‘ਤੇ ਇੱਕ ਗੰਢ ਬਣ ਗਈ ਸੀ ਜਿਸਨੂੰ “ਦੰਦਾਂ ਦੀ ਇੱਕ ਸਮੱਸਿਆ ਦੇ ਨਤੀਜੇ ਵਜੋਂ ਫੀਡ ਪ੍ਰਭਾਵ ਹੋਣ ਦਾ ਸ਼ੱਕ ਸੀ”, ਪਾਰਕ ਦੇ ਸਟਾਫ ਨੇ ਉਸਦੇ ਵਿਵਹਾਰ ਵਿੱਚ ਹੌਲੀ ਹੌਲੀ ਗਿਰਾਵਟ ਦੇਖੀ ਸੀ।
ਸਾਂਭ ਸੰਭਾਲ ‘ਚ ਚਾਰ ਪਸ਼ੂਆਂ ਦੇ ਡਾਕਟਰਾਂ ਅਤੇ 20 ਓਰਾਨਾ ਸਟਾਫ ਮੈਂਬਰਾਂ ਦੀ ਇੱਕ ਟੀਮ ਸ਼ਾਮਿਲ ਸੀ। ਮਡੋਮੋ ਸ਼ੁਰੂ ਵਿੱਚ ਡਾਕਟਰੀ ਪ੍ਰਕਿਰਿਆ ਤੋਂ ਚੰਗੀ ਤਰ੍ਹਾਂ ਠੀਕ ਹੋ ਗਈ ਸੀ, ਪਰ ਦੋ ਦਿਨਾਂ ਬਾਅਦ ਉਸਦੀ ਹਾਲਤ ਵਿਗੜਨ ਲੱਗੀ। “ਦੁੱਖ ਦੀ ਗੱਲ ਹੈ ਕਿ ਸ਼ੁੱਕਰਵਾਰ ਸਵੇਰੇ ਉਸਦੀ ਹਾਲਤ ਵਿਗੜ ਗਈ ਉਸਦੀ ਮੌਤ ਹੋ ਗਈ।” ਮਡੋਮੋ 2016 ਵਿੱਚ ਆਕਲੈਂਡ ਚਿੜੀਆਘਰ ਤੋਂ ਆਉਣ ਤੋਂ ਬਾਅਦ ਓਰਾਨਾ ਪਾਰਕ ਵਿੱਚ ਹੀ ਸੀ। ਜਦਕਿ ਪੰਜ ਮਹੀਨਿਆਂ ਦੇ zebra foal Zeeyore ਦੀ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਮੌਤ ਹੋ ਗਈ ਸੀ, ਜਿਸ ਦਾ ਕਾਰਨ ਉਸਦੀ ਮਾਂ ਤੋਂ ਉਸਨੂੰ ਜਲਦੀ ਦੁੱਧ ਛੁਡਾਉਣਾ ਮੰਨਿਆ ਜਾ ਰਿਹਾ ਹੈ ਕਿਉਂਕ ਜਨਮ ਤੋਂ ਹੀ ਉਹ ਵਧ-ਫੁੱਲ ਨਹੀਂ ਸਕਿਆ ਸੀ।