ਆਕਲੈਂਡ ਦੀਆਂ ਬੱਸਾਂ ‘ਚ ਡਰਾਈਵਰਾਂ ਤੇ ਯਾਤਰੀਆਂ ‘ਤੇ ਹੁੰਦੇ ਹਮਲੇ ਨਹੀਂ ਲੈ ਰਹੇ ਰੁਕਣ ਦਾ ਨਾਮ !

ਆਕਲੈਂਡ ਦੀਆਂ ਬੱਸਾਂ ‘ਚ ਹੁੰਦੇ ਹਮਲੇ ਰੁਕਣ ਦੇ ਨਾਮ ਨਹੀਂ ਲੈ ਰਹੇ। ਕਦੇ ਡ੍ਰਾਈਵਰ ਤਾਂ ਕਦੇ ਯਾਤਰੀ ਇਹਨਾਂ ਘਟਨਾਵਾਂ ‘ਚ ਜ਼ਖਮੀ ਹੋ ਰਹੇ ਹਨ। ਤਾਜ਼ਾ ਮਾਮਲਾ Onehunga ਤੋਂ ਸ੍ਹਾਮਣੇ ਆਇਆ ਹੈ ਜਿੱਥੇ ਇੱਕ ਬੱਸ ਯਾਤਰੀ ‘ਤੇ ਇੱਕ ਸਮੂਹ ਵੱਲੋਂ ਹਮਲਾ ਕੀਤਾ ਗਿਆ ਹੈ। ਜਿਸ ਕਾਰਨ ਯਾਤਰੀ ਨੂੰ ਡਾਕਟਰੀ ਸਹਾਇਤਾ ਵੀ ਲੈਣੀ ਪਈ। Mark Greaves, Auckland East Area Investigations Manager, ਨੇ ਦੱਸਿਆ ਕਿ ਪੁਲਿਸ ਨੂੰ ਵੀਰਵਾਰ ਨੂੰ Onehunga ਦੀ ਇੱਕ ਬੱਸ ‘ਚ ਸਵਾਰ ਯਾਤਰੀ ‘ਤੇ ਦੁਪਹਿਰ 1:15 ਵਜੇ ਤੋਂ 3:40 ਵਜੇ ਦੇ ਦਰਮਿਆਨ ਹਮਲਾ ਕੀਤੇ ਜਾਣ ਦੀ ਰਿਪੋਰਟ ਮਿਲੀ ਸੀ। ਸਭ ਤੋਂ ਹੈਰਾਨੀਜਨਕ ਗੱਲ ਇਹ ਹੈ ਕਿ ਇਕੱਲੇ ਯਾਤਰੀ ‘ਤੇ ਸਮੂਹ ਨੇ ਅਚਾਨਕ ਅਤੇ ਬਿਨਾਂ ਵਜ੍ਹਾ ਹਮਲਾ ਕੀਤਾ ਸੀ।