ਪੁਲਿਸ ਦਾ ਕਹਿਣਾ ਹੈ ਕਿ ਕੇਂਦਰੀ ਆਕਲੈਂਡ ਵਿੱਚ ਹੁਣ ਇੱਕ ਵੱਡਾ ਆਪ੍ਰੇਸ਼ਨ ਚੱਲ ਰਿਹਾ ਹੈ ਕਿਉਂਕਿ ਅੱਜ ਕੇਂਦਰੀ ਆਕਲੈਂਡ ਵਿੱਚ ਦੋ ਯੋਜਨਾਬੱਧ ਵਿਰੋਧ ਪ੍ਰਦਰਸ਼ਨ ਸਨ। ਡੈਸਟਿਨੀ ਚਰਚ ਨਾਲ ਸਬੰਧਿਤ ਫ੍ਰੀਡਮ ਐਂਡ ਰਾਈਟਸ ਕੋਲੀਸ਼ਨ ਰੈਲੀ ਦੇ ਹਿੱਸੇ ਵਜੋਂ, ਪ੍ਰਦਰਸ਼ਨਕਾਰੀ ਵਿਕਟੋਰੀਆ ਪਾਰਕ ਵਿਖੇ ਇਕੱਠੇ ਹੋਏ ਸਨ। ਇਸ ਤੋਂ ਬਾਅਦ ਸਮੂਹ ਨੇ ਹਾਰਬਰ ਬ੍ਰਿਜ ਵੱਲ ਮਾਰਚ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਪੁਲਿਸ ਨੇ ਡੈਸਟਿਨੀ ਚਰਚ ਨਾਲ ਜੁੜੇ ਪ੍ਰਦਰਸ਼ਨਕਾਰੀਆਂ ਨੂੰ ਆਕਲੈਂਡ ਹਾਰਬਰ ਬ੍ਰਿਜ਼ ’ਤੇ ਚੜ੍ਹਣ ਤੋਂ ਰੋਕ ਦਿੱਤਾ। ਚਰਚ ਦੇ ਨੇਤਾ ਬ੍ਰਾਇਨ ਤਮਾਕੀ ਨੇ ਵਿਕਟੋਰੀਆ ਪਾਰਕ ਵਿੱਚ ਭਾਸ਼ਣ ਦੇਣ ਤੋਂ ਬਾਅਦ ਲਗਭਗ 1000 ਸਮਰਥਕਾਂ ਨਾਲ ਫੈਨਸ਼ਾ ਸਟਰੀਟ ਦੇ ਆਨਰੈਂਪ ਵੱਲ ਕੂਚ ਕੀਤਾ ਸੀ, ਪਰ ਉਥੇ ਤਾਇਨਾਤ ਪੁਲਿਸ ਮੁਲਾਜ਼ਮਾਂ ਨੇ ਉਨ੍ਹਾਂ ਨੂੰ ਅੱਗੇ ਵਧਣ ਤੋਂ ਰੋਕ ਦਿੱਤਾ। ਕੁਝ ਸਮੇਂ ਲਈ ਪੁਲਿਸ ਅਤੇ ਪ੍ਰਦਰਸ਼ਨਕਾਰੀਆਂ ਵਿਚਕਾਰ ਤਣਾਅ ਬਣਿਆ ਰਿਹਾ, ਜਿਸ ਤੋਂ ਬਾਅਦ ਭੀੜ ਹੌਲੀ-ਹੌਲੀ ਖਿੰਡਣੀ ਸ਼ੁਰੂ ਹੋ ਗਈ। ਇਹ ਪ੍ਰਦਰਸ਼ਨ ‘ਟਰੂ ਪੈਟਰੀਅਟਸ ਆਫ ਨਿਊਜ਼ੀਲੈਂਡ’ ਨਾਂ ਹੇਠ ਕੀਤਾ ਗਿਆ ਸੀ, ਜੋ “ਵੱਡੇ ਪੱਧਰ ਦੀ ਇਮੀਗ੍ਰੇਸ਼ਨ” ਦੇ ਵਿਰੋਧ ਵਿੱਚ ਸੀ। ਪ੍ਰਦਰਸ਼ਨਕਾਰੀਆਂ ਨੇ “Kiwis First” ਅਤੇ “Keep NZ NZ” ਵਾਲੀਆਂ ਟੀ-ਸ਼ਰਟਾਂ ਪਾਈਆਂ ਹੋਈਆਂ ਸਨ।
ਉੱਥੇ ਹੀ ਹੁਣ ਪ੍ਰਸ਼ਾਸਨ ਨੇ ਸ਼ਨੀਵਾਰ ਨੂੰ ਕੇਂਦਰੀ ਆਕਲੈਂਡ ਵਿੱਚ ਉਸ ਸਮੇਂ ਸੜਕਾਂ ਮੁੜ ਖੋਲ੍ਹ ਦਿੱਤੀਆਂ ਗਈਆਂ ਜਦੋਂ ਪੁਲਿਸ ਨੇ ਡੈਸਟਿਨੀ ਚਰਚ ਨਾਲ ਇਸ ਦੌਰਾਨ ਨੌਰਥ ਸ਼ੋਰ ’ਤੇ ਓਨੇਵਾ ਰੋਡ ਨੇੜੇ ਦੱਖਣ ਵੱਲ ਜਾਣ ਵਾਲੀਆਂ ਲੇਨਾਂ ਨੂੰ ਕੁਝ ਸਮੇਂ ਲਈ ਬੰਦ ਕਰ ਦਿੱਤਾ ਗਿਆ ਤਾਂ ਜੋ ਹੋਰ ਪੁਲਿਸ ਸਰੋਤ ਸ਼ਹਿਰ ਵੱਲ ਭੇਜੇ ਜਾ ਸਕਣ, ਪਰ ਥੋੜ੍ਹੀ ਦੇਰ ਬਾਅਦ ਟ੍ਰੈਫਿਕ ਮੁੜ ਚਾਲੂ ਕਰ ਦਿੱਤਾ ਗਿਆ। ਪੁਲਿਸ ਪਹਿਲਾਂ ਹੀ ਸਪਸ਼ਟ ਕਰ ਚੁੱਕੀ ਸੀ ਕਿ ਫਰੀਡਮ ਐਂਡ ਰਾਈਟਸ ਕੋਅਲਿਸ਼ਨ ਨੂੰ ਹਾਰਬਰ ਬ੍ਰਿਜ਼ ’ਤੇ ਪੈਦਲ ਮਾਰਚ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ ਅਤੇ ਗੈਰਕਾਨੂੰਨੀ ਦਾਖਲੇ ਨੂੰ ਰੋਕਣ ਲਈ ਵੱਡਾ ਆਪਰੇਸ਼ਨ ਚਲਾਇਆ ਜਾਵੇਗਾ।