ਮੰਗਲਵਾਰ ਨੂੰ ਵਾਟਰਲੂ ਸਟੇਸ਼ਨ ‘ਤੇ ਵਾਪਰੇ ਇੱਕ ਹਾਦਸੇ ‘ਚ ਇੱਕ ਵਿਅਕਤੀ ਦੀ ਰੇਲਵੇ ਪਟੜੀਆਂ ‘ਤੇ ਮੌਤ ਹੋ ਗਈ ਸੀ। ਫਿਲਹਾਲ ਇੱਕ ਲੋਅਰ ਹੱਟ ਸੈਕੰਡਰੀ ਸਕੂਲ ਉਨ੍ਹਾਂ ਵਿਦਿਆਰਥੀਆਂ ਦੀ ਸਹਾਇਤਾ ਕਰ ਰਿਹਾ ਹੈ ਜੋ ਮੰਗਲਵਾਰ ਨੂੰ ਵਾਟਰਲੂ ਸਟੇਸ਼ਨ ‘ਤੇ ਸਨ ਜਦੋਂ ਇੱਕ ਵਿਅਕਤੀ ਦੀ ਰੇਲਵੇ ਪਟੜੀਆਂ ‘ਤੇ ਮੌਤ ਹੋ ਗਈ। ਐਮਰਜੈਂਸੀ ਸੇਵਾਵਾਂ ਨੂੰ ਦੁਪਹਿਰ 3 ਵਜੇ ਤੋਂ ਬਾਅਦ ਘਟਨਾ ਸਥਾਨ ‘ਤੇ ਬੁਲਾਇਆ ਗਿਆ ਸੀ। ਸੇਂਟ ਬਰਨਾਰਡ ਕਾਲਜ ਦੇ ਪ੍ਰਿੰਸੀਪਲ ਸਾਈਮਨ ਸਟੈਕ ਨੇ ਦੱਸਿਆ ਕਿ ਉਨ੍ਹਾਂ ਦੇ ਅੱਧਾ ਦਰਜਨ ਵਿਦਿਆਰਥੀ ਘਟਨਾ ਮੌਕੇ ਪਲੇਟਫਾਰਮ ‘ਤੇ ਸਨ, ਅਤੇ ਦੋ ਨੇ ਦੇਖਿਆ ਕਿ ਕੀ ਹੋਇਆ। ਉਨ੍ਹਾਂ ਕਿਹਾ ਕਿ ਮਰਨ ਵਾਲਾ ਵਿਅਕਤੀ ਸੇਂਟ ਬਰਨਾਰਡ ਕਾਲਜ ਦਾ ਵਿਦਿਆਰਥੀ ਨਹੀਂ ਸੀ।
ਸਟੈਕ ਨੇ ਕਿਹਾ ਕਿ ਵਿਦਿਆਰਥੀਆਂ ਦੀ ਜਾਂਚ ਕਰਨ ਲਈ ਸਟਾਫ ਨੂੰ ਤੁਰੰਤ ਹੇਠਾਂ ਭੇਜਿਆ ਗਿਆ ਸੀ। ਇਸ ਦੌਰਾਨ ਹੱਟ ਵੈਲੀ ਰੇਲ ਸੇਵਾਵਾਂ ‘ਚ ਬੁੱਧਵਾਰ ਸਵੇਰੇ ਵੀ ਵਿਘਨ ਪਿਆ ਸੀ। “ਇਸ ਘਟਨਾ ਕਾਰਨ ਬੀਤੀ ਰਾਤ ਟ੍ਰੇਨ ਰੀਪੋਜੀਸ਼ਨਿੰਗ ਨੂੰ ਸੀਮਤ ਕਰ ਦਿੱਤਾ ਸੀ, ਜਿਸਦਾ ਮਤਲਬ ਹੈ ਕਿ ਟ੍ਰੇਨਾਂ ਅੱਜ ਸਵੇਰੇ ਆਮ ਸੇਵਾਵਾਂ ਮੁੜ ਸ਼ੁਰੂ ਕਰਨ ਲਈ ਸਹੀ ਜਗ੍ਹਾ ‘ਤੇ ਨਹੀਂ ਸਨ।” ਮੈਟਲਿੰਕ ਨੇ ਕਿਹਾ ਕਿ ਬੁੱਧਵਾਰ ਨੂੰ ਵੈਲਿੰਗਟਨ ਅਤੇ ਵੈਰਾਰਾਪਾ ਵਿਚਕਾਰ ਸੇਵਾਵਾਂ ਵਿੱਚ ਵਿਘਨ ਇਸ ਲਈ ਸੀ ਕਿਉਂਕਿ ਟ੍ਰੇਨਾਂ ਕੱਲ੍ਹ ਰਾਤ ਸਹੀ ਜਗ੍ਹਾ ‘ਤੇ ਵਾਪਸ ਨਹੀਂ ਆ ਸਕੀਆਂ ਸਨ। ਕੁਝ ਵੈਰਾਰਾਪਾ ਲਾਈਨ ਸੇਵਾਵਾਂ ਲਈ ਬੱਸਾਂ ਨੇ ਵੀ ਟ੍ਰੇਨਾਂ ਦੀ ਥਾਂ ਲੈ ਲਈ, ਜਾਂ ਘੱਟ ਸਮਰੱਥਾ ਨਾਲ ਕੰਮ ਕਰ ਰਹੀਆਂ ਸਨ। ਇਹ ਸਪੱਸ਼ਟ ਨਹੀਂ ਸੀ ਕਿ ਸੇਵਾਵਾਂ ਕਦੋਂ ਆਮ ਹੋਣਗੀਆਂ। ਹਾਲਾਂਕਿ ਇਹ ਵੀ ਸਪਸ਼ਟ ਨਹੀਂ ਹੋ ਸਕਿਆ ਕਿ ਵਿਅਕਤੀ ਦੀ ਮੌਤ ਟ੍ਰੇਨ ਦੀ ਟੱਕਰ ਨਾਲ ਹੋਈ ਹੈ ਜਾ ਕਿਸੇ ਹੋਰ ਕਾਰਨ।