ਪੁਲਿਸ ਦਾ ਕੰਮ ਹੁੰਦਾ ਹੈ ਕਿ ਜੇਕਰ ਕੋਈ ਨਿਯਮਾਂ ਜਾਂ ਕਾਨੂੰਨ ਦੀ ਪਾਲਣਾ ਨਹੀਂ ਕਰਦਾ ਉਸ ਖਿਲਾਫ ਕਾਰਵਾਈ ਕਰਨ ਪਰ ਸੋਚੋ ਜੇਕਰ ਪੁਲਿਸ ਵਾਲੇ ਖੁਦ ਹੀ ਨਿਯਮ ਤੋੜਨ ਤਾਂ ਫਿਰ ਆਮ ਲੋਕਾਂ ਦੀ ਰਾਖੀ ਦਾ ਕੀ ਬਣੇਗਾ। ਤਾਜ਼ਾ ਮਾਮਲਾ ਨਿਊਜ਼ੀਲੈਂਡ ਦੇ ਇੱਕ ਪੁਲਿਸ ਅਧਿਕਾਰੀ ਦਾ ਹੈ ਜੋ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਹੱਦ ਵਾਲੇ ਇਲਾਕੇ ਵਿੱਚ 150 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਕਾਰ ਚਲਾਉਂਦੇ ਹੋਏ ਫੜਿਆ ਗਿਆ, ਜਦਕਿ ਉਸ ਨੇ ਨਾ ਤਾਂ ਸਾਈਰਨ ਚਲਾਏ ਸਨ ਅਤੇ ਨਾ ਹੀ ਲਾਈਟਾਂ। ਇਸ ਘਟਨਾ ਦੀ ਜਾਂਚ ਕਰਨ ਵਾਲੀ ਸੁਤੰਤਰ ਪੁਲਿਸ ਆਚਰਣ ਅਥਾਰਟੀ ਦੇ ਅਨੁਸਾਰ, ਪੂਰਬੀ ਜ਼ਿਲ੍ਹਾ ਅਧਿਕਾਰੀ 100 ਕਿਲੋਮੀਟਰ ਪ੍ਰਤੀ ਘੰਟਾ ਜ਼ੋਨ ਵਿੱਚ 154 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਯਾਤਰਾ ਕਰ ਰਹੀ ਇੱਕ ਨਿਸ਼ਾਨਬੱਧ ਗਸ਼ਤ ਕਾਰ ਵਿੱਚ ਸੀ ਅਤੇ ਇੱਕ ਹੋਰ ਅਧਿਕਾਰੀ ਦੇ ਰਾਡਾਰ ਦੁਆਰਾ ਉਸਦਾ ਪਤਾ ਲਗਾਇਆ ਗਿਆ ਸੀ।
ਆਈਪੀਸੀਏ ਜਾਂਚ ਵਿੱਚ ਪਾਇਆ ਗਿਆ ਕਿ ਅਧਿਕਾਰੀ ਨੇ ਆਪਣੀਆਂ ਲਾਈਟਾਂ ਜਾਂ ਸਾਇਰਨ ਚਾਲੂ ਨਹੀਂ ਕੀਤੇ ਸਨ ਅਤੇ ਉਹ ਕਿਸੇ ਘਟਨਾ ਦਾ ਜਵਾਬ ਨਹੀਂ ਦੇ ਰਿਹਾ ਸੀ ਜਾਂ ਕੋਈ ਜ਼ਰੂਰੀ ਡਿਊਟੀ ਨਹੀਂ ਕਰ ਰਿਹਾ ਸੀ। ਹਾਲਾਂਕਿ ਜਾਂਚ ਦੌਰਾਨ ਅਧਿਕਾਰੀ ਨੇ ਦੱਸਿਆ ਕਿ ਉਹ “ਗੱਡੀ ਦੀ ਰਫ਼ਤਾਰ ਚੈੱਕ ਕਰ ਰਿਹਾ ਸੀ”, ਪਰ ਉਸਨੇ ਨੇ ਇਹ ਵੀ ਮੰਨਿਆ ਕਿ ਇਹ ਕੰਮ ਨਾ ਤਾਂ ਠੀਕ ਸੀ ਅਤੇ ਨਾ ਹੀ ਇਨੀਂ ਤੇਜ਼ ਰਫ਼ਤਾਰ ‘ਤੇ ਗੱਡੀ ਨਹੀਂ ਚਲਾਉਣੀ ਚਾਹੀਦੀ ਸੀ।
ਇੱਕ ਸਥਾਨਕ ਰਿਪੋਰਟ ਅਨੁਸਾਰ ਇਸ ਪੁਲਿਸ ਅਫਸਰ ਨੇ ਪ੍ਰੋਗਰਾਮ ਆਫ ਡਾਇਵਰਜ਼ਨ ਪੂਰਾ ਕਰ ਲਿਆ ਹੈ। ਜਿਸਦਾ ਮਤਲਬ ਹੈ ਕਿ ਹੁਣ ਉਸ ‘ਤੇ ਹੋਰ ਕਾਨੂੰਨੀ ਕਾਰਵਾਈ ਸੰਭਵ ਨਹੀਂ ਰਹੀ। IPCA ਨੇ ਇਹ ਵੀ ਦੱਸਿਆ ਹੈ ਕਿ ਪੁਲਿਸ ਅਫਸਰ ਦਾ ਇਹ ਵਰਤਾਰਾ ਪੁਲਿਸ ਪਾਲਸੀ ਨਿਯਮਾਂ ਦੀ ਉਲੰਘਣਾ ਹੈ। ਦੱਸ ਦੇਈਏ “ਅਥਾਰਟੀ ਪੁਲਿਸ ਦੁਆਰਾ ਕੀਤੀ ਗਈ ਜਾਂਚ ਅਤੇ ਨਤੀਜੇ ਤੋਂ ਸੰਤੁਸ਼ਟ ਹੈ।”