ਨਿਊਜ਼ੀਲੈਂਡ ‘ਚ ਇਸ ਵਾਰ ਹੋਈਆਂ ਲੋਕਲ ਚੋਣਾਂ ਦੇ ਵਿੱਚ ਪੰਜਾਬੀਆਂ ਨੇ ਬੱਲੇ-ਬੱਲੇ ਕਾਰਵਾਈ ਹੈ। ਇਸ ਵਾਰ ਕਈ ਸੀਟਾਂ ਤੋਂ ਪੰਜਾਬੀਆ ਨੇ ਜਿੱਤ ਦਰਜ ਕਰ ਨਵਾਂ ਇਤਿਹਾਸ ਰਚਿਆ ਹੈ। ਇਸ ਦੌਰਾਨ ਹੁਣ ਦੇਸ਼ ਦੀ ਰਾਜਧਾਨੀ ਵੈਲਿੰਗਟਨ ਦੇ ਨੇੜਲੇ ਸ਼ਹਿਰ ਅੱਪਰ ਹੱਟ ‘ਚ ਵੀ ਪੰਜਾਬੀਆਂ ਦੀ ਬੱਲੇ-ਬੱਲੇ ਹੋਈ ਹੈ। ਇਸ ਸੀਟ ਤੋਂ ਪੰਜਾਬੀ ਨੌਜਵਾਨ ਗੁਰਪ੍ਰੀਤ ਸਿੰਘ ਢਿੱਲੋਂ ਨੇ ਕੌਂਸਲਰ ਦੀ ਚੋਣ ਜਿੱਤ ਕੇ ਇਤਿਹਾਸ ਰਚ ਦਿੱਤਾ ਹੈ। ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਪਹਿਲੀ ਵਾਰ ਅਜਿਹਾ ਹੋਇਆ ਹੈ ਕਿ ਮੁੱਖ ਤੌਰ ‘ਤੇ ਗੋਰੇ ਵਸਨੀਕਾਂ ਦਾ ਇਲਾਕਾ ਮੰਨੇ ਜਾਂਦੇ ਇਸ ਸ਼ਹਿਰ ‘ਚ ਕਿਸੇ ਭਾਰਤੀ ਨੇ ਚੋਣ ਜਿੱਤੀ ਹੈ। ਕਈ ਸਾਲਾਂ ਤੋਂ ਨਿਊਜ਼ੀਲੈਂਡ ਵਿੱਚ ਰਹਿ ਰਹੇ ਗੁਰਪ੍ਰੀਤ ਸਿੰਘ ਢਿੱਲੋਂ ਪੰਜਾਬ ਦੇ ਜ਼ਿਲ੍ਹਾ ਅੰਮ੍ਰਿਤਸਰ ਨਾਲ ਸਬੰਧਿਤ ਹਨ। ਉਨ੍ਹਾਂ ਦੀ ਜਿੱਤ ਨੂੰ ਸਿਰਫ਼ ਪੰਜਾਬੀ ਕਮਿਊਨਿਟੀ ਹੀ ਨਹੀਂ, ਸਗੋਂ ਨਿਊਜ਼ੀਲੈਂਡ ਦੇ ਦੂਜੇ ਇਮੀਗ੍ਰੈਂਟ ਸਮੂਹਾਂ ਵੱਲੋਂ ਵੀ ਵੱਡੀ ਉਪਲਬਧੀ ਵਜੋਂ ਦੇਖਿਆ ਜਾ ਰਿਹਾ ਹੈ।
