ਸੋਮਵਾਰ ਸਵੇਰੇ ਮਾਰੇਕਾਕਾਹੋ ਨੇੜੇ black ice ਕਾਰਨ ਇੱਕ ਸਕੂਲ ਬੱਸ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਸੜਕ ਤੋਂ ਤਿਲਕਣ ਦੇ ਕਾਰਨ ਸਕੂਲ ਬੱਸ ਦੀ ਦਰੱਖਤ ਨਾਲ ਟੱਕਰ ਹੋ ਗਈ ਅਤੇ ਬੱਸ ਡਰਾਈਵਰ ਅਤੇ ਇੱਕ ਬੱਚਾ ਜ਼ਖਮੀ ਹੋ ਗਏ ਜਿਨ੍ਹਾਂ ਨੂੰ ਹਾਕਸ ਬੇ ਹਸਪਤਾਲ ਵਿੱਚ ਲਿਜਾਇਆ ਗਿਆ ਸੀ। ਕੇਰੇਰੂ ਸਕੂਲ ਦੀ ਪ੍ਰਿੰਸੀਪਲ ਕੇਲਸੀ ਐਲਨ ਨੇ ਮੀਡੀਆ ਨੂੰ ਦੱਸਿਆ ਕਿ ਅੱਜ ਸਵੇਰੇ ਲਗਭਗ 7:45 ਵਜੇ ਕੇਰੇਰੂ ਰੋਡ ‘ਤੇ ਹਾਦਸਾ ਹੋਇਆ। ਉਨ੍ਹਾਂ ਕਿਹਾ ਕਿ ਜ਼ਖਮੀ ਠੀਕ ਹਨ। ਉਹ ਸਿਰਫ਼ ਜਾਂਚ ਲਈ ਹਸਪਤਾਲ ਗਏ ਸੀ। ਕੇਲਸੀ ਐਲਨ ਨੇ ਕਿਹਾ ਕਿ ਐਮਰਜੈਂਸੀ ਸੇਵਾਵਾਂ ਜਲਦੀ ਪਹੁੰਚ ਗਈਆਂ ਸੀ ਅਤੇ ਖੁਸ਼ਕਿਸਮਤੀ ਨਾਲ ਕੋਈ ਵੀ ਬੱਸ ਵਿੱਚ ਫਸਿਆ ਨਹੀਂ ਸੀ, ਪਰ ਬੱਸ ਕਾਫੀ ਨੁਕਸਾਨੀ ਗਈ। ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੇ ਕੌਂਸਲ ਨੂੰ ਖੇਤਰ ਵਿੱਚ ਤਿਲਕਣ ਵਾਲੀਆਂ ਬਰਫੀਲੀਆਂ ਸੜਕਾਂ ਬਾਰੇ ਡਰਾਈਵਰਾਂ ਨੂੰ ਚਿਤਾਵਨੀ ਦੇਣ ਲਈ ਸਾਈਨ ਬੋਰਡ ਲਗਾਉਣ ਲਈ ਕਿਹਾ ਹੈ।
