ਸਾਊਥਲੈਂਡ ਦੇ ਐਥੋਲ ਫਾਈਵ ਰਿਵਰਸ ਹਾਈਵੇਅ ‘ਤੇ ਇੱਕ ਸੈਲਾਨੀ ਬੱਸ ਹਾਦਸਾਗ੍ਰਸਤ ਹੋ ਗਈ ਹੈ, ਜਿਸ ਮਗਰੋਂ ਚਾਰ ਲੋਕਾਂ ਨੂੰ ਹਸਪਤਾਲ ਲਿਜਾਇਆ ਗਿਆ ਹੈ। ਸਟੇਟ ਹਾਈਵੇਅ 6 ‘ਤੇ ਹੋਏ ਹਾਦਸੇ ਲਈ ਸਵੇਰੇ 8.30 ਵਜੇ ਐਮਰਜੈਂਸੀ ਸੇਵਾਵਾਂ ਨੂੰ ਬੁਲਾਇਆ ਗਿਆ ਸੀ। ਹਾਟੋ ਹੋਨ ਸੇਂਟ ਜੌਨ ਦੇ ਅਨੁਸਾਰ, ਚਾਰ ਜ਼ਖਮੀਆਂ ਨੂੰ ਸਾਊਥਲੈਂਡ ਹਸਪਤਾਲ ਲਿਜਾਇਆ ਗਿਆ – ਇੱਕ ਗੰਭੀਰ ਹਾਲਤ ਵਿੱਚ, ਦੋ ਦਰਮਿਆਨੀ ਹਾਲਤ ਵਿੱਚ, ਅਤੇ ਇੱਕ ਮਾਮੂਲੀ ਹਾਲਤ ਵਿੱਚ ਸੀ। ਹਾਦਸੇ ਦਾ ਸ਼ਿਕਾਰ ਹੋਈ ਬੱਸ 25 ਸੀਟਾਂ ਵਾਲੀ ਬੱਸ ਹੈ, ਪੁਲਿਸ ਵਾਹਨ ਦੀ ਜਾਂਚ ਕਰ ਰਹੀ ਹੈ। ਕਾਰਜਕਾਰੀ ਸੀਨੀਅਰ ਸਾਰਜੈਂਟ ਕ੍ਰਿਸ ਮੈਗੁਆਇਰ ਨੇ ਦੱਸਿਆ ਕਿ ਹਾਦਸੇ ਦੇ ਸਮੇਂ ਇਲਾਕੇ ਵਿੱਚ “ਬਹੁਤ, ਬਹੁਤ ਗੰਭੀਰ black ice” ਸੀ, ਇਸ ਤੋਂ ਇਲਾਵਾ “ਬਹੁਤ, ਬਹੁਤ ਧੁੰਦ” ਸੀ। ਪੁਲਿਸ ਦੇ ਕਾਰਜਕਾਰੀ ਸੀਨੀਅਰ ਸਾਰਜੈਂਟ ਨੇ ਕਿਹਾ ਕਿ ਬੱਸ ਚੀਨ ਤੋਂ ਆਏ ਸੈਲਾਨੀਆਂ ਦੇ ਇੱਕ ਸਮੂਹ ਨੂੰ ਲੈ ਕੇ ਜਾ ਰਹੀ ਸੀ ਜੋ ਕਵੀਨਸਟਾਊਨ ਤੋਂ ਮਿਲਫੋਰਡ ਸਾਊਂਡ ਜਾ ਰਹੇ ਸਨ।
