ਕ੍ਰਾਇਸਚਰਚ ਵਿੱਚ ਹਥਿਆਰਬੰਦ ਡਕੈਤੀਆਂ ਦੇ ਮਾਮਲੇ ਵਿੱਚ ਇੱਕ ਕਿਸ਼ੋਰ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਐਕਟਿੰਗ ਡਿਟੈਕਟਿਵ ਸੀਨੀਅਰ ਸਰਜੰਟ ਲੂਕ ਵਾਘਨ ਨੇ ਦੱਸਿਆ ਕਿ 6 ਅਪ੍ਰੈਲ ਨੂੰ ਦੋ ਵਪਾਰਿਕ ਸਥਾਨਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ। ਉਨ੍ਹਾਂ ਕਿਹਾ, “ਸੋਮਵਾਰ 6 ਅਪ੍ਰੈਲ ਨੂੰ ਪੁਲਿਸ ਨੂੰ ਦੋ ਅਗਰਾਵੇਟਡ ਰੌਬਰੀਆਂ ਦੀ ਸੂਚਨਾ ਮਿਲੀ – ਇੱਕ ਸ਼ਾਮ ਲਗਭਗ 8:10 ਵਜੇ ਬ੍ਰਿਗਸ ਰੋਡ, ਸ਼ਰਲੀ ਵਿੱਚ ਅਤੇ ਦੂਜੀ ਲਗਭਗ 8:20 ਵਜੇ ਮੈਕਬਰੈਟਨੀਜ਼ ਰੋਡ, ਡੈਲਿੰਗਟਨ ਵਿੱਚ।”
“ਦੋਵੇਂ ਘਟਨਾਵਾਂ ਵਿੱਚ ਦੋ ਦੋਸ਼ੀ ਹਥਿਆਰਾਂ ਨਾਲ ਦੁਕਾਨਾਂ ਵਿੱਚ ਦਾਖਲ ਹੋਏ, ਇੱਕ ਕਰਮਚਾਰੀ ਨਾਲ ਹਿੰਸਾ ਕੀਤੀ ਅਤੇ ਫਿਰ ਵਾਹਨ ਵਿੱਚ ਫਰਾਰ ਹੋ ਗਏ।” ਪੁਲਿਸ ਨੇ ਬੁੱਧਵਾਰ ਨੂੰ ਹੂਨ ਹੈ ਵਿੱਚ ਇੱਕ ਘਰ ਦੀ ਤਲਾਸ਼ੀ ਲਈ ਅਤੇ ਡਕੈਤੀਆਂ ਦੇ ਸਬੰਧ ਵਿੱਚ ਇੱਕ ਕਿਸ਼ੋਰ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਵਾਘਨ ਨੇ ਕਿਹਾ, “ਉਹ ਜਲਦ ਹੀ ਯੂਥ ਕੋਰਟ ਦੀ ਕਾਰਵਾਈ ਦਾ ਸਾਹਮਣਾ ਕਰੇਗਾ।” ਪੁਲਿਸ ਹੋਰ ਦੋਸ਼ੀਆਂ ਦੀ ਭਾਲ ਕਰ ਰਹੀ ਹੈ ਅਤੇ ਹੋਰ ਗ੍ਰਿਫ਼ਤਾਰੀਆਂ ਤੋਂ ਇਨਕਾਰ ਨਹੀਂ ਕੀਤਾ ਗਿਆ।
ਉਨ੍ਹਾਂ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇ ਕਿਸੇ ਕੋਲ ਇਸ ਮਾਮਲੇ ਨਾਲ ਸਬੰਧਿਤ ਜਾਣਕਾਰੀ ਹੈ ਤਾਂ ਉਹ ਅੱਗੇ ਆ ਕੇ ਸਹਿਯੋਗ ਕਰਨ। ਜਾਣਕਾਰੀ 105 ਨੰਬਰ ‘ਤੇ (ਆਨਲਾਈਨ ਜਾਂ ਫੋਨ ਰਾਹੀਂ) ਫਾਈਲ ਨੰਬਰ 260407/1737 ਦੇ ਹਵਾਲੇ ਨਾਲ ਦਿੱਤੀ ਜਾ ਸਕਦੀ ਹੈ। ਇਸ ਤੋਂ ਇਲਾਵਾ, ਤੁਸੀਂ ਗੁਪਤ ਤੌਰ ‘ਤੇ ਕਰਾਈਮ ਸਟਾਪਰਜ਼ ਨੂੰ 0800 555 111 ‘ਤੇ ਵੀ ਜਾਣਕਾਰੀ ਦੇ ਸਕਦੇ ਹੋ।