BREAKING NEWS : SkyCity ਹੋਟਲ ਦੇ ਬਾਹਰ ਸ਼ੱਕੀ ਓਵਰਡੋਜ਼ ਲੈਣ ਤੋਂ ਬਾਅਦ ਤਿੰਨ ਲੋਕਾਂ ਨੂੰ ਕਰਵਾਇਆ ਗਿਆ ਹਸਪਤਾਲ ਦਾਖਲ

Three hospitalised after suspected overdose

ਕੇਂਦਰੀ ਆਕਲੈਂਡ ਵਿੱਚ ਸਕਾਈਸਿਟੀ ਹੋਟਲ ਅਤੇ ਕੈਸੀਨੋ ਦੇ ਬਾਹਰ ਇੱਕ ਸ਼ੱਕੀ ਨਸ਼ੇ ਦੀ ਓਵਰਡੋਜ਼ ਲੈਣ ਤੋਂ ਬਾਅਦ ਤਿੰਨ ਲੋਕਾਂ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਪੁਲਿਸ ਅਤੇ ਮਲਟੀਪਲ ਐਂਬੂਲੈਂਸਾਂ ਨੇ ਸਵੇਰੇ 8.30 ਵਜੇ ਦੇ ਕਰੀਬ ਇਸ ਘਟਨਾ ਸਬੰਧੀ ਪ੍ਰਤੀਕਿਰਿਆ ਦਿੱਤੀ ਹੈ। ਇੱਕ ਪੁਲਿਸ ਅਧਿਕਾਰੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ “ਤਿੰਨ ਵਿਅਕਤੀਆਂ – ਦੋ ਔਰਤਾਂ ਅਤੇ ਇੱਕ ਮਰਦ ਨੂੰ ਕਿਸੇ ਕਿਸਮ ਦਾ ਪਦਾਰਥ ਖਾਣ ਜਾਂ ਸਾਹ ਰਾਹੀਂ ਅੰਦਰ ਲਿਜਾਣ ਤੋਂ ਬਾਅਦ ਹਸਪਤਾਲ ਪਹੁੰਚਾਇਆ ਗਿਆ ਹੈ। ਅਧਿਕਾਰੀ ਨੇ ਕਿਹਾ ਕਿ “ਸਾਨੂੰ ਲਗਦਾ ਹੈ ਕਿ ਉਨ੍ਹਾਂ ਨੇ ਕੁੱਝ ਖਾ ਲਿਆ ਹੈ ਜਾਂ ਤੰਬਾਕੂਨੋਸ਼ੀ ਕੀਤੀ ਹੈ ਅਤੇ ਸਪੱਸ਼ਟ ਤੌਰ ‘ਤੇ ਕਿਸੇ ਚੀਜ਼ ਦੀ ਵਰਤੋਂ ਕੀਤੀ ਗਈ ਹੈ। ਮੇਰਾ ਅਨੁਮਾਨ ਹੈ ਕਿ ਇਹ ਇੱਕ ਤਰ੍ਹਾਂ ਦਾ ਸਿੰਥੈਟਿਕ ਕੈਨਾਬਿਨੋਇਡ (synthetic cannabinoid) ਹੋਵੇਗਾ।”

ਮਰੀਜ਼ ਸਕਾਈਸਿਟੀ ਹੋਟਲ ਦੇ ਮੁੱਖ ਗੇਟ ਦੇ ਬਾਹਰ ਮਿਲੇ ਸਨ। ਹੁਣ ਹਸਪਤਾਲ ਵਿੱਚ ਜ਼ਹਿਰੀਲੇ ਪਦਾਰਥਾਂ ਦੇ ਟੈਸਟ ਕਰਵਾਏ ਜਾਣਗੇ ਤਾਂ ਜੋ ਇਸ ਗੱਲ ਦੀ ਪੁਸ਼ਟੀ ਕੀਤੀ ਜਾ ਸਕੇ ਕਿ ਉਨ੍ਹਾਂ ਨੇ ਕੀ ਪਦਾਰਥ ਲਿਆ ਹੈ। ਸਕਾਈਸਿਟੀ ਦੇ ਕੋਲ ਬੈਠੇ ਇੱਕ ਵਿਅਕਤੀ ਨੇ ਕਿਹਾ ਕਿ ਉਹ ਸਮਝ ਗਿਆ ਸੀ ਕਿ ਤਿੰਨੇ ਸਿੰਥੈਟਿਕ ਨਸ਼ੇ ਪੀ ਰਹੇ ਸਨ।

Leave a Reply

Your email address will not be published. Required fields are marked *