ਆਕਲੈਂਡ ‘ਚ ਯਾਤਰੀਆਂ ਨੂੰ ਚਿਤਾਵਨੀ ਦਿੱਤੀ ਜਾ ਰਹੀ ਹੈ ਕਿ ਤੇਜ਼ ਹਵਾਵਾਂ ਕਾਰਨ ਹਾਰਬਰ ਬ੍ਰਿਜ ‘ਤੇ ਗਤੀ ਅਤੇ ਲੇਨ ਘਟਾਉਣ ਦੇ ਨਾਲ-ਨਾਲ ਪੁੱਲ ਸੰਭਾਵਿਤ ਤੌਰ ‘ਤੇ ਬੰਦ ਕੀਤੇ ਜਾਣ ਦੀ ਉਮੀਦ ਹੈ। ਮੈਟ ਸਰਵਿਸ ਨੇ ਨਿਊਜ਼ੀਲੈਂਡ ਟ੍ਰਾਂਸਪੋਰਟ ਏਜੰਸੀ ਨੂੰ ਸਲਾਹ ਦਿੱਤੀ ਸੀ ਕਿ ਕੁਝ ਝੱਖੜ ਸਵੇਰੇ 9 ਵਜੇ ਤੋਂ ਦੁਪਹਿਰ 2 ਵਜੇ ਦੇ ਵਿਚਕਾਰ 75 ਤੋਂ 85 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਪਹੁੰਚ ਸਕਦੇ ਹਨ। ਏਜੰਸੀ ਨੇ ਕਿਹਾ ਕਿ, “ਗਤੀ ਪਾਬੰਦੀਆਂ ਅਤੇ ਲੇਨ ਘਟਾਉਣ ਦੀ ਸੰਭਾਵਨਾ ਹੈ, ਪਰ ਅਸਥਾਈ ਤੌਰ ‘ਤੇ ਪੂਰੀ ਤਰ੍ਹਾਂ ਬੰਦ ਕਰਨ ਦੀ ਲੋੜ ਵੀ ਪੈ ਸਕਦੀ ਹੈ। ਮੋਟਰ ਸਵਾਰਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਹਾਲਾਤਾਂ ਅਨੁਸਾਰ ਗੱਡੀ ਚਲਾਉਣ ਅਤੇ ਮੋਟਰਵੇਅ ‘ਤੇ ਇਲੈਕਟ੍ਰਾਨਿਕ ਸੰਦੇਸ਼ ਬੋਰਡਾਂ ਵੱਲ ਧਿਆਨ ਦੇਣ, ਜੋ ਸਲਾਹ ਦੇਣਗੇ ਕਿ ਕੀ ਕੋਈ ਲੇਨ ਬੰਦ ਕਰਨ ਅਤੇ ਗਤੀ ਸੀਮਾ ਘਟਾਉਣ ਦੀ ਲੋੜ ਹੈ ਜਾ ਨਹੀਂ।”
