ਨਿਊਜ਼ੀਲੈਂਡ ਦੀ ਰਾਜਧਾਨੀ Wellington ਵਿੱਚ ਸੋਮਵਾਰ ਰਾਤ 4.2 ਤੀਬਰਤਾ ਦਾ ਭੂਚਾਲ ਆਇਆ, ਜਿਸ ਨਾਲ ਲੋਕਾਂ ਵਿੱਚ ਕੁਝ ਸਮੇਂ ਲਈ ਘਬਰਾਹਟ ਫੈਲ ਗਈ। ਝਟਕੇ ਰਾਤ ਕਰੀਬ 9 ਵਜੇ ਤੋਂ ਬਾਅਦ ਮਹਿਸੂਸ ਕੀਤੇ ਗਏ। ਭੂਚਾਲ ਮਾਪਣ ਵਾਲੀ ਏਜੰਸੀ GeoNet ਨੇ ਇਸ ਨੂੰ ‘ਹਲਕਾ’ ਭੂਚਾਲ ਦੱਸਿਆ ਹੈ। ਏਜੰਸੀ ਮੁਤਾਬਿਕ ਭੂਚਾਲ ਦਾ ਕੇਂਦਰ ਵੈਲਿੰਗਟਨ ਤੋਂ ਲਗਭਗ 25 ਕਿਲੋਮੀਟਰ ਦੱਖਣ-ਪੱਛਮ ਵੱਲ ਸੀ ਅਤੇ ਇਸ ਦੀ ਗਹਿਰਾਈ 22 ਕਿਲੋਮੀਟਰ ਦਰਜ ਕੀਤੀ ਗਈ। ਫਿਲਹਾਲ ਕਿਸੇ ਜਾਨੀ ਜਾਂ ਮਾਲੀ ਨੁਕਸਾਨ ਦੀ ਕੋਈ ਰਿਪੋਰਟ ਸਾਹਮਣੇ ਨਹੀਂ ਆਈ।
