ਵਾਂਗਾਨੁਈ ‘ਚ ਇੱਕ ਸਕੂਲ ਬੱਸ ਨਾਲ ਵੱਡਾ ਹਾਦਸਾ ਵਾਪਰਿਆ ਹੈ। ਦਰਅਸਲ ਵਿਦਿਆਰਥੀਆਂ ਨੂੰ ਲਿਜਾ ਰਹੀ ਬੱਸ ਦੀ ਦੋ ਕਾਰਾਂ ਨਾਲ ਟੱਕਰ ਹੋਈ ਹੈ। ਵਾਂਗਾਨੁਈ ਹਾਈ ਸਕੂਲ ਦੇ ਪ੍ਰਿੰਸੀਪਲ, ਮਾਰਟਿਨ ਮੈਕਐਲਨ, ਨੇ ਸਕੂਲ ਦੇ ਸੋਸ਼ਲ ਮੀਡੀਆ ਪੇਜ ‘ਤੇ ਘਟਨਾ ਬਾਰੇ ਪੋਸਟ ਸਾਂਝੀ ਕੀਤੀ ਅਤੇ ਕਿਹਾ ਕਿ ਇਹ ਦੁਪਹਿਰ 3.10 ਵਜੇ ਵਾਪਰਿਆ ਜਦੋਂ ਵਿਦਿਆਰਥੀ ਵਾਪਿਸ ਘਰ ਜਾ ਰਹੇ ਸਨ। ਉਨ੍ਹਾਂ ਕਿਹਾ ਕਿ “ਬ੍ਰੰਸਵਿਕ ਬੱਸ ਬੱਸ ਬੇ ਏਰੀਆ ਤੋਂ ਬਾਹਰ ਨਿਕਲੀ ਸੀ ਅਤੇ ਪੁਰਨੇਲ ਸਟ੍ਰੀਟ ਦੇ ਨਾਲ-ਨਾਲ ਜਾ ਰਹੀ ਇੱਕ ਕਾਰ ਨਾਲ ਟੱਕਰ ਹੋ ਗਈ ਸੀ ਇਸ ਮਗਰੋਂ ਬੱਸ ਦੀ ਫਿਰ ਗਲੀ ਦੇ ਦੂਜੇ ਪਾਸੇ ਖੜੀ ਇੱਕ ਹੋਰ ਕਾਰ ਨਾਲ ਟੱਕਰ ਹੋ ਗਈ ਸੀ। ਮੈਕਐਲਨ ਨੇ ਕਿਹਾ ਕਿ ਪਹਿਲੀ ਕਾਰ ਵਿੱਚ ਇੱਕ ਵਿਅਕਤੀ ਸਵਾਰ ਸੀ। ਹਾਲਾਂਕਿ ਰਾਹਤ ਵਾਲੀ ਗੱਲ ਹੈ ਕਿ ਇਸ ਦੌਰਾਨ ਕਿਸੇ ਦੇ ਕੋਈ ਸੱਟ ਨਹੀਂ ਲੱਗੀ।
