Air New Zealand ਦੀ ਆਕਲੈਂਡ ਤੋਂ ਹਾਂਗ ਕਾਂਗ ਜਾਣ ਵਾਲੀ ਉਡਾਣ ਇੱਕ ਅਜੀਬ ਘਟਨਾ ਕਾਰਨ ਰੱਦ ਕਰਨੀ ਪਈ। ਜਹਾਜ਼ ਦੇ ਕਾਕਪਿਟ ਵਿੱਚ ਇੱਕ ਪੰਛੀ ਦਾਖਲ ਹੋ ਗਿਆ, ਜਿਸ ਨੂੰ ਕਈ ਘੰਟਿਆਂ ਦੀ ਕੋਸ਼ਿਸ਼ ਦੇ ਬਾਵਜੂਦ ਬਾਹਰ ਨਹੀਂ ਕੱਢਿਆ ਜਾ ਸਕਿਆ। ਫਲਾਈਟ NZ81 ਨੇ Auckland ਤੋਂ Hong Kong ਲਈ ਸਵੇਰੇ ਕਰੀਬ 10:15 ਵਜੇ ਉਡਾਣ ਭਰਨੀ ਸੀ। ਯਾਤਰੀਆਂ ਨੇ ਆਮ ਤਰ੍ਹਾਂ ਚੈਕ-ਇਨ ਅਤੇ ਸੁਰੱਖਿਆ ਜਾਂਚ ਪੂਰੀ ਕਰਨ ਤੋਂ ਬਾਅਦ ਜਹਾਜ਼ ਵਿੱਚ ਸਵਾਰ ਹੋਣਾ ਸ਼ੁਰੂ ਕਰ ਦਿੱਤਾ ਸੀ।
ਏਅਰ ਨਿਊਜ਼ੀਲੈਂਡ ਦੇ ਮੁੱਖ ਸੁਰੱਖਿਆ ਅਤੇ ਜੋਖਮ ਅਧਿਕਾਰੀ Nathan McGraw ਨੇ ਦੱਸਿਆ ਕਿ ਬੋਰਡਿੰਗ ਤੋਂ ਥੋੜ੍ਹੀ ਦੇਰ ਬਾਅਦ ਫਲਾਈਟ ਡੈੱਕ (ਕਾਕਪਿਟ) ਵਿੱਚ ਇੱਕ ਛੋਟਾ ਪੰਛੀ ਮਿਲਿਆ।
ਉਨ੍ਹਾਂ ਕਿਹਾ ਕਿ ਏਅਰਲਾਈਨ ਦੀਆਂ ਟੀਮਾਂ ਨੇ ਕਈ ਘੰਟਿਆਂ ਤੱਕ ਪੰਛੀ ਨੂੰ ਸੁਰੱਖਿਅਤ ਢੰਗ ਨਾਲ ਲੱਭਣ ਅਤੇ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਇਸ ਵਿੱਚ ਸਫਲ ਨਹੀਂ ਹੋ ਸਕੀਆਂ।
ਇਸ ਤੋਂ ਬਾਅਦ ਯਾਤਰੀਆਂ ਅਤੇ ਕਰੂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦਿਆਂ ਉਡਾਣ ਰੱਦ ਕਰਨ ਦਾ ਫੈਸਲਾ ਲਿਆ ਗਿਆ, ਤਾਂ ਜੋ ਇੰਜੀਨੀਅਰਿੰਗ ਅਤੇ ਰੱਖ-ਰਖਾਵ ਟੀਮਾਂ ਜਹਾਜ਼ ਦੀ ਵਧੇਰੇ ਵਿਸਥਾਰ ਨਾਲ ਜਾਂਚ ਕਰ ਸਕਣ।
ਏਅਰ ਨਿਊਜ਼ੀਲੈਂਡ ਨੇ ਇਸ ਅਸੁਵਿਧਾ ਲਈ ਯਾਤਰੀਆਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਯਾਤਰੀਆਂ ਅਤੇ ਕਰੂ ਦੀ ਸੁਰੱਖਿਆ ਹੀ ਉਨ੍ਹਾਂ ਦੀ ਸਭ ਤੋਂ ਵੱਡੀ ਤਰਜੀਹ ਹੈ।