ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ Christopher Luxon ਨੇ ਵਿਸਾਖੀ ਦੇ ਪਵਿੱਤਰ ਤਿਉਹਾਰ ਮੌਕੇ ਸਿੱਖ ਭਾਈਚਾਰੇ ਨੂੰ ਵਧਾਈ ਦਿੱਤੀ ਹੈ। ਉਨ੍ਹਾਂ ਇੱਕ ਵੀਡੀਓ ਸੰਦੇਸ਼ ਰਾਹੀਂ ਇਸ ਦਿਹਾੜੇ ਦੀ ਵਿਸ਼ੇਸ਼ ਮਹੱਤਤਾ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਵਿਸਾਖੀ ਦੁਨੀਆ ਭਰ ਵਿੱਚ ਵੱਸਦੇ ਸਿੱਖਾਂ ਲਈ ਵਿਸ਼ੇਸ਼ ਧਾਰਮਿਕ ਅਤੇ ਸਾਂਸਕ੍ਰਿਤਿਕ ਅਹਿਮੀਅਤ ਰੱਖਦੀ ਹੈ। ਉਨ੍ਹਾਂ ਨੇ ਨਿਊਜ਼ੀਲੈਂਡ ਵਿੱਚ ਰਹਿੰਦੇ ਸਿੱਖ ਭਾਈਚਾਰੇ ਦਾ ਦੇਸ਼ ਦੀ ਤਰੱਕੀ, ਏਕਤਾ ਅਤੇ ਸਮਾਜਿਕ ਵਿਕਾਸ ਵਿੱਚ ਪਾਏ ਜਾ ਰਹੇ ਯੋਗਦਾਨ ਲਈ ਖਾਸ ਧੰਨਵਾਦ ਵੀ ਕੀਤਾ।
ਇਸ ਮੌਕੇ New Zealand National Party ਦੇ ਕਈ ਨੇਤਾਵਾਂ ਅਤੇ ਮੈਂਬਰਾਂ ਵੱਲੋਂ ਵੀ ਸਿੱਖ ਕਮਿਊਨਿਟੀ ਨੂੰ ਵਿਸਾਖੀ ਦੀਆਂ ਵਧਾਈਆਂ ਦਿੱਤੀਆਂ ਗਈਆਂ। ਇਨ੍ਹਾਂ ਵਿੱਚ ਪਾਪਾਕੁਰਾ ਤੋਂ ਉਮੀਦਵਾਰ Emma Chatterton, ਇਮੀਗ੍ਰੇਸ਼ਨ ਮੰਤਰੀ Erica Stanford, ਸਿਹਤ ਮੰਤਰੀ Simeon Brown ਅਤੇ Todd McClay ਸਮੇਤ ਹੋਰ ਕਈ ਆਗੂ ਸ਼ਾਮਲ ਰਹੇ।
ਇਸ ਤੋਂ ਇਲਾਵਾ ਟਾਕਾਨਿਨੀ ਤੋਂ ਸੰਸਦ ਮੈਂਬਰ Rima Nakhle, ਸੰਰੱਖਣ ਮੰਤਰੀ Tama Potaka, ਕਲਾਈਮੇਟ ਚੇਂਜ ਮੰਤਰੀ Simon Watts, ਵੈਂਗਨੁਈ ਤੋਂ Carl Bates ਅਤੇ ਲਿਸਟ ਐਮਪੀ Nancy Lu ਨੇ ਵੀ ਆਪਣੀਆਂ ਵਧਾਈਆਂ ਸਾਂਝੀਆਂ ਕੀਤੀਆਂ।
ਹੋਰ ਨੇਤਾਵਾਂ ਵਿੱਚ Suze Redmayne, Dr Vanessa Weenink, ਅਪਰ ਹਾਰਬਰ ਤੋਂ Cameron Brewer, ਤਮਾਕੀ ਉਮੀਦਵਾਰ Mahesh Muralidhar, Mike Butterick ਅਤੇ Barbara Kuriger ਵੀ ਸ਼ਾਮਿਲ ਸਨ। ਸਭ ਨੇ ਮਿਲਕੇ ਵਿਸਾਖੀ ਦੇ ਇਸ ਪਵਿੱਤਰ ਮੌਕੇ ‘ਤੇ ਸਿੱਖ ਭਾਈਚਾਰੇ ਲਈ ਖੁਸ਼ਹਾਲੀ, ਚੜ੍ਹਦੀ ਕਲਾ ਅਤੇ ਇਕਤਾ ਦੀ ਕਾਮਨਾ ਕੀਤੀ।