Hamilton : ਪੁਲਿਸ ਅਧਿਕਾਰੀ ਨੂੰ ਗੋਲੀ ਮਾਰਨ ਦੇ ਮਾਮਲੇ ‘ਚ 23 ਸਾਲਾ ਵਿਅਕਤੀ ਗ੍ਰਿਫਤਾਰ

Police officer shot in Hamilton

ਹੈਮਿਲਟਨ ਵਿੱਚ ਇੱਕ ਪੁਲਿਸ ਅਧਿਕਾਰੀ ਦੇ ਮੋਢੇ ਅਤੇ ਬਾਂਹ ਵਿੱਚ ਗੋਲੀ ਮਾਰਨ ਦੇ ਸੰਬੰਧ ‘ਚ ਇੱਕ 23 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਪੁਲਿਸ ਨੇ ਸਵੇਰੇ 9 ਵਜੇ ਤੋਂ ਥੋੜ੍ਹੀ ਦੇਰ ਪਹਿਲਾਂ ਪੁਸ਼ਟੀ ਕੀਤੀ ਕਿ ਇੱਕ ਵਿਅਕਤੀ Ngaruawahia ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਦੱਸਿਆ ਕਿ ਉਨ੍ਹਾਂ ਨੇ ਇੱਕ ਹਥਿਆਰ ਵੀ ਬਰਾਮਦ ਕੀਤਾ ਗਿਆ, ਜੋ ਗੋਲੀਬਾਰੀ ਵਿੱਚ ਵਰਤਿਆ ਗਿਆ ਸੀ। । ਪੁਲਿਸ ਨੇ ਕਿਹਾ ਕਿ, ਉਸ ਵਿਅਕਤੀ ਨੂੰ ਬਹੁਤ ਸਾਰੇ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪਏਗਾ। ਇੱਕ ਪੁਲਿਸ ਬੁਲਾਰੇ ਨੇ ਦੱਸਿਆ ਕਿ ਅਧਿਕਾਰੀ ਅੱਜ ਸਵੇਰੇ 12 ਵਜੇ ਹੈਮਿਲਟਨ ਦੇ ਬੈਂਕਵੁੱਡ ਆਰਡੀ ਵਿਖੇ ਗੋਲੀ ਲੱਗਣ ਤੋਂ ਬਾਅਦ ਹਸਪਤਾਲ ਵਿੱਚ ਇਲਾਜ਼ ਅਧੀਨ ਹੈ।

ਘਟਨਾ ਬਾਰੇ ਜਾਣਕਾਰੀ ਦਿੰਦਿਆਂ ਇੱਕ ਬੁਲਾਰੇ ਨੇ ਦੱਸਿਆ ਕਿ ਰੁਟੀਨ ਵਾਂਗ ਟ੍ਰੈਫਿਕ ਰੋਕਣ ਸਮੇਂ ਇੱਕ ਯਾਤਰੀ ਇੱਕ ਹਥਿਆਰ ਸਮੇਤ ਕਾਰ ਵਿੱਚੋਂ ਬਾਹਰ ਨਿਕਲਿਆ ਅਤੇ ਉਸ ਨੇ ਅਧਿਕਾਰੀ ‘ਤੇ ਫਾਇਰ ਕਰ ਦਿੱਤਾ। ਬੁਲਾਰੇ ਨੇ ਕਿਹਾ ਕਿ “ਅਧਿਕਾਰੀ ਦੀ ਬਾਂਹ ਅਤੇ ਮੋਢੇ ‘ਤੇ ਗੋਲੀ ਮਾਰੀ ਗਈ ਸੀ।” ਬੁਲਾਰੇ ਨੇ ਦੱਸਿਆ ਕਿ ਘਟਨਾ ਤੋਂ ਬਾਅਦ ਡਰਾਈਵਰ ਆਪਣੀ ਕਾਰ ਸਮੇਤ ਫਰਾਰ ਹੋ ਗਿਆ ਅਤੇ ਜਿਸ ਵਿਅਕਤੀ ਨੇ ਅਧਿਕਾਰੀ ਨੂੰ ਗੋਲੀ ਮਾਰੀ ਸੀ, ਉਹ ਪੁਲਿਸ ਦੀ ਕਾਰ ਚੋਰੀ ਕਰ ਕੇ ਲੈ ਗਿਆ। ਜ਼ਖਮੀ ਅਧਿਕਾਰੀ ਨੂੰ ਤੁਰੰਤ Waikato ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਉਸ ਦੀ ਹਾਲਤ ਸਥਿਰ ਹੈ। ਅਪਰਾਧੀਆਂ ਅਤੇ ਦੋਵਾਂ ਕਾਰਾਂ ਦਾ ਪਤਾ ਲਗਾਉਣ ਵਿੱਚ ਸਹਾਇਤਾ ਲਈ ਆਰਮਡ ਅਪਰਾਡਰ ਸਕੁਐਡ ਅਤੇ ਈਗਲ ਹੈਲੀਕਾਪਟਰ ਤਾਇਨਾਤ ਕੀਤੇ ਗਏ ਸਨ। ਘਟਨਾ ਵਾਲੀ ਥਾਂ ‘ਤੇ ਮੌਜੂਦ ਇੱਕ ਵਿਅਕਤੀ ਨੇ ਕਿਹਾ, “ਅੱਜ ਦੀ ਸਵੇਰ ਬਹੁਤ ਵਿਅਸਤ ਹੈ, ਹਰ ਜਗ੍ਹਾ ਹਥਿਆਰਬੰਦ ਪੁਲਿਸ ਅਤੇ ਉੱਪਰ ਹੈਲੀਕਾਪਟਰ ਉਡਾਣ ਭਰ ਰਹੇ ਹਨ।”

ਪੁਲਿਸ ਬੁਲਾਰੇ ਨੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਚੋਰੀ ਹੋਈ ਪੁਲਿਸ ਦੀ ਕਾਰ, ਕਾਰ ਵਿੱਚ ਰੱਖੇ ਸਾਰੇ ਪੁਲਿਸ ਉਪਕਰਣਾਂ ਦੇ ਨਾਲ, Gordonton ਰੋਡ ‘ਤੇ 2.20AM ਵਜੇ ਬਰਾਮਦ ਕਰ ਲਈ ਗਈ ਹੈ। ਜਦਕਿ “ਡਰਾਈਵਰ ਦੀ ਕਾਰ ਸਵੇਰੇ 4 ਵਜੇ ਤੋਂ ਬਾਅਦ Sherwood Drive, ਹੈਮਿਲਟਨ ਵਿੱਚ ਸਥਿਤ ਸੀ। ਪੁਲਿਸ ਨੇ ਬੈਂਕਵੁੱਡ ਆਰਡੀ ਅਤੇ ਵੇਕ ਸੇਂਟ ਦੇ ਨੇੜੇ ਇਲਾਕੇ ਨੂੰ ਘੇਰ ਲਿਆ ਸੀ। ਪੁਲਿਸ ਨੇ ਦੱਸਿਆ ਕਿ ਡਰਾਈਵਰ ਵੀ ਇਸ ਪਤੇ ‘ਤੇ ਮਿਲਿਆ ਸੀ ਅਤੇ ਉਸਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ।

Leave a Reply

Your email address will not be published. Required fields are marked *