ਆਕਲੈਂਡ ਦੇ ਹੈਂਡਰਸਨ ‘ਚ ਬੀਤੀ ਰਾਤ ਇੱਕ ਵਪਾਰਕ ਲਾਂਡ੍ਰੋਮੈਟ ਵਿੱਚ ਅੱਗ ਲੱਗਣ ‘ਤੇ 21 ਫਾਇਰ ਟਰੱਕਾਂ ਨੂੰ ਬੁਲਾਇਆ ਗਿਆ। ਫਾਇਰ ਐਂਡ ਐਮਰਜੈਂਸੀ ਨਿਊਜ਼ੀਲੈਂਡ ਨੂੰ ਹੈਂਡਰਸਨ ਵੈਲੀ ਰੋਡ ਦੀ ਇਮਾਰਤ ਵਿੱਚ ਰਾਤ 9.08 ਵਜੇ ਦੇ ਕਰੀਬ ਬੁਲਾਇਆ ਗਿਆ ਸੀ। ਇੱਕ FENZ ਬੁਲਾਰੇ ਨੇ ਕਿਹਾ ਕਿ, “ਜਦੋਂ ਅਮਲੇ ਪਹੁੰਚੇ, ਤਾਂ ਓਦੋਂ ਤੱਕ ਇਮਾਰਤ ਪੂਰੀ ਤਰ੍ਹਾਂ ਅੱਗ ਨਾਲ ਘਿਰੀ ਹੋਈ ਪਾਈ ਅਤੇ ਉਨ੍ਹਾਂ ਨੂੰ ਹੋਰ ਸਰੋਤ ਮੰਗਵਾਉਣੇ ਪਏ।” ਆਕਲੈਂਡ ਭਰ ਤੋਂ ਅਮਲੇ ਨੂੰ ਦੋ ਮੰਜ਼ਿਲਾ ਇਮਾਰਤ ਵਿੱਚ ਬੁਲਾਇਆ ਗਿਆ, ਜਿਸਦੀ ਵਰਤੋਂ ਇੱਕ ਵਪਾਰਕ ਲਾਂਡ੍ਰੋਮੈਟ ਵਜੋਂ ਕੀਤੀ ਜਾ ਰਹੀ ਸੀ।
ਘਟਨਾ ਸਥਾਨ ‘ਤੇ ਕੁੱਲ 21 ਫਾਇਰ ਟਰੱਕ, ਜਿਨ੍ਹਾਂ ਵਿੱਚ ਤਿੰਨ ਪੌੜੀਆਂ ਵਾਲੇ ਟਰੱਕ, ਇੱਕ ਕਮਾਂਡ ਯੂਨਿਟ ਅਤੇ ਕਈ ਸਹਾਇਤਾ ਵਾਹਨ ਸ਼ਾਮਿਲ ਸਨ। ਅੱਗ ‘ਤੇ ਰਾਤ 10 ਵਜੇ ਤੋਂ ਬਾਅਦ ਕਾਬੂ ਪਾ ਲਿਆ ਗਿਆ ਸੀ। ਹਾਲਾਂਕਿ ਕਿਸੇ ਵੀ ਵਿਅਕਤੀ ਦੇ ਜ਼ਖਮੀ ਹੋਣ ਦੀ ਕੋਈ ਖ਼ਬਰ ਨਹੀਂ ਸੀ।