ਹੈਮਿਲਟਨ ‘ਚ ਕੱਲ੍ਹ ਇੱਕ ਘਰ ਤੋਂ ਦੋ ਲੋਕਾਂ ਦੀਆਂ ਲਾਸ਼ਾਂ ਮਿਲਣ ਤੋਂ ਬਾਅਦ ਪੁਲਿਸ ਵੱਲੋਂ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਪੁਲਿਸ ਨੂੰ ਸ਼ਾਮ ਕਰੀਬ 4 ਵਜੇ ਸ਼ਹਿਰ ਦੇ ਪੂਰਬੀ ਹਿੱਸੇ ਵਿੱਚ ਯਾਰਕ ਸਟ੍ਰੀਟ ਸਥਿਤ ਇਕ ਪਤੇ ‘ਤੇ ਦੋ ਮ੍ਰਿਤ ਦੇਹਾਂ ਮਿਲਣ ਦੀ ਸੂਚਨਾ ਮਿਲੀ ਸੀ।
ਡਿਟੈਕਟਿਵ ਇੰਸਪੈਕਟਰ ਸਟੀਫਨ ਐਮਬਲਰ ਨੇ ਕਿਹਾ, “ਇਸ ਮਾਮਲੇ ਵਿੱਚ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਕਿ ਠੀਕ ਕੀ ਵਾਪਰਿਆ ਹੈ, ਇਸ ਲਈ ਇਸ ਵੇਲੇ ਇਨ੍ਹਾਂ ਮੌਤਾਂ ਨੂੰ ਸੰਦੇਹਪੂਰਨ ਮੰਨ ਕੇ ਜਾਂਚ ਕੀਤੀ ਜਾ ਰਹੀ ਹੈ।” ਯਾਰਕ ਸਟ੍ਰੀਟ ‘ਤੇ ਪੁਲਿਸ ਵੱਲੋਂ ਘੇਰਾ ਬੰਦੀ ਕੀਤੀ ਗਈ ਸੀ ਅਤੇ ਮੌਕੇ ਦੀ ਵਿਸਥਾਰ ਨਾਲ ਜਾਂਚ ਕੀਤੀ ਗਈ। ਰਾਤ ਭਰ ਮੌਕੇ ‘ਤੇ ਪੁਲਿਸ ਦੀ ਡਿਊਟੀ ਲਗਾਈ ਗਈ ਸੀ। ਐਮਬਲਰ ਨੇ ਦੱਸਿਆ ਕਿ ਜਦੋਂ ਹੋਰ ਜਾਣਕਾਰੀ ਉਪਲਬਧ ਹੋਵੇਗੀ ਤਾਂ ਉਹ ਸਾਂਝੀ ਕੀਤੀ ਜਾਵੇਗੀ।