ਮੰਗਲਵਾਰ ਨੂੰ ਸਵੇਰੇ ਹੈਮਿਲਟਨ ਦੇ ਇੱਕ ਸੁਪਰਮਾਰਕੀਟ ਤੋਂ ਇੱਕ ਔਰਤ ਵੱਲੋਂ ਕਥਿਤ ਤੌਰ ‘ਤੇ 1700 ਡਾਲਰ ਤੋਂ ਵੱਧ ਦਾ ਕਰਿਆਨੇ ਦਾ ਸਮਾਨ ਚੋਰੀ ਕੀਤਾ ਗਿਆ ਸੀ। ਜਿਸ ‘ਚ ਵੱਖ-ਵੱਖ ਚਾਕਲੇਟ, AA ਬੈਟਰੀਆਂ ਦੇ ਪੈਕ, ਅੱਧਾ ਹੈਮ ਅਤੇ ਬਦਾਮ ਦੇ ਦੁੱਧ ਦੇ ਕਈ ਡੱਬੇ ਸ਼ਾਮਿਲ ਸਨ। ਹੈਮਿਲਟਨ ਰਿਟੇਲ ਕ੍ਰਾਈਮ ਟੀਮ ਦੇ ਮੈਂਬਰ ਇੱਕ ਕਾਰੋਬਾਰ ਵਿੱਚ ਪੁੱਛਗਿੱਛ ਕਰ ਰਹੇ ਸਨ ਜਦੋਂ ਸਵੇਰੇ 10.30 ਵਜੇ ਵੂਲਵਰਥਸ ਤੇ ਰਾਪਾ ਵਿਖੇ ਚੋਰੀ ਦੀ ਘਟਨਾ ਬਾਰੇ ਇੱਕ ਫੋਨ ਆਇਆ ਸੀ।
ਜਦੋਂ ਔਰਤ ਨੂੰ ਕਰਿਆਨੇ ਦੀ ਇੱਕ ਵੱਡੀ ਟਰਾਲੀ ਸਮਾਨ ਨਾਲ ਭਰ ਚੋਰੀ ਕਰਨ ਤੋਂ ਰੋਕਣ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਮਹਿਲਾ ਵੱਲੋਂ ਸਟਾਫ ਨਾਲ ਜ਼ੁਬਾਨੀ ਬਦਸਲੂਕੀ ਕੀਤੀ ਗਈ। ਪੁਲਿਸ ਬੁਲਾਰੇ ਨੇ ਕਿਹਾ ਕਿ ਜਦੋਂ ਤੱਕ ਪੁਲਿਸ ਮੌਕੇ ‘ਤੇ ਪਹੁੰਚੀ, ਅਪਰਾਧੀ ਪਹਿਲਾਂ ਹੀ ਕਥਿਤ ਤੌਰ ‘ਤੇ ਚੋਰੀ ਕੀਤੇ ਕਰਿਆਨੇ ਦੇ ਸਮਾਨ ਨਾਲ ਆਪਣੀ ਗੱਡੀ ਵਿੱਚ ਭੱਜ ਚੁੱਕੀ ਸੀ।
ਬੁਲਾਰੇ ਨੇ ਅੱਗੇ ਕਿਹਾ ਕਿ, “ਜਨਤਾ ਤੋਂ ਵੇਰਵਿਆਂ ਦੇ ਨਾਲ, ਟੀਮ ਪੁਕੇਟ ਦੇ ਇੱਕ ਪਤੇ ‘ਤੇ ਪਹੁੰਚੀ ਜਿੱਥੇ ਉਨ੍ਹਾਂ ਨੂੰ ਇੱਕ ਵਾਹਨ ਮਿਲਿਆ ਜੋ ਅਜੇ ਵੀ ਚੋਰੀ ਕੀਤੇ ਕਰਿਆਨੇ ਨਾਲ ਭਰਿਆ ਹੋਇਆ ਸੀ।” ਇਸ ਦੌਰਾਨ ਔਰਤ ਵੀ ਘਰ ਵਿੱਚ ਸੀ ਜਿਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਇਸ ਮਗਰੋਂ ਸਮਾਨ ਸਟੋਰ ‘ਚ ਵਾਪਸ ਕਰ ਦਿੱਤਾ ਗਿਆ ਸੀ।” 29 ਸਾਲਾ ਔਰਤ ਨੂੰ ਜਨਵਰੀ ਦੇ ਸ਼ੁਰੂ ਵਿੱਚ ਦੁਕਾਨ ਤੋਂ ਚੋਰੀ ਦੇ ਦੋਸ਼ ਵਿੱਚ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।