ਭਾਰੀ ਮੀਂਹ ਅਤੇ ਹੜ੍ਹਾਂ ਦੇ ਹਾਲਾਤਾਂ ਦੇ ਚਲਦੇ ਨਿਊਜ਼ੀਲੈਂਡ ਦੇ ਫਾਰ ਨਾਰਥ ਅਤੇ ਵਾਂਗਾਰੇਈ ਇਲਾਕਿਆਂ ਵਿੱਚ ਸੱਤ ਦਿਨਾਂ ਲਈ ਐਮਰਜੈਂਸੀ ਦਾ ਐਲਾਨ ਕੀਤਾ ਗਿਆ ਹੈ।ਨਾਰਥਲੈਂਡ ਦੇ ਕਾਇਕੋਹੇ ਦੇ ਪੂਰਬ ਵਾਲੇ ਖੇਤਰ, ਡਾਊਟਲੈੱਸ ਬੇ ਤੋਂ ਵਾਂਗਾਰੇਈ ਤੱਕ ਲਾਲ ਪੱਧਰ ਦੀ ਭਾਰੀ ਮੀਂਹ ਚਿਤਾਵਨੀ ਹੇਠ ਹਨ। ਇਥੋਂ ਦੇ ਵਸਨੀਕਾਂ ਨੂੰ ਦਰਿਆਵਾਂ ਦੇ ਪਾਣੀ ਦੇ ਸਤਰ ਵਧਣ ਕਾਰਨ “ਜਾਨ ਨੂੰ ਖਤਰਾ” ਹੋਣ ਦੀ ਚਿਤਾਵਨੀ ਦਿੱਤੀ ਗਈ ਹੈ। ਇਸ ਗੰਭੀਰ ਮੌਸਮ ਦੇ ਮੱਦੇਨਜ਼ਰ ਫਾਰ ਨਾਰਥ ਡਿਸਟ੍ਰਿਕਟ ਅਤੇ ਵਾਂਗਾਰੇਈ ਡਿਸਟ੍ਰਿਕਟ ਵਿੱਚ ਐਮਰਜੈਂਸੀ ਲਾਗੂ ਕੀਤੀ ਗਈ ਹੈ, ਜੋ ਅਗਲੇ ਸੱਤ ਦਿਨਾਂ ਤੱਕ ਜਾਰੀ ਰਹੇਗੀ।
ਇਸ ਤੋਂ ਇਲਾਵਾ, ਨਾਰਥਲੈਂਡ ਦੇ ਹੋਰ ਹਿੱਸੇ, ਵਾਂਗਾਪਾਰਾਓਆ ਤੋਂ ਉੱਤਰ ਆਕਲੈਂਡ, ਗ੍ਰੇਟ ਬੈਰੀਅਰ ਆਇਲੈਂਡ, ਵੈਸਟਲੈਂਡ ਰੇਂਜਜ਼, ਕੋਰੋਮੈਂਡਲ ਪ੍ਰਾਇਦੀਪ, ਹੁਨੁਆ ਰੇਂਜ, ਵਕਾਤਾਨੇ ਤੋਂ ਪੱਛਮ ਬੇ ਆਫ ਪਲੇੰਟੀ, ਟਾਰਾਨਾਕੀ ਮਾਉਂਗਾ, ਮੋਟੂਏਕਾ ਤੋਂ ਉੱਤਰ-ਪੱਛਮ ਟੈਸਮੈਨ, ਰਿਚਮੰਡ ਅਤੇ ਬਰਾਇਅੰਟ ਰੇਂਜਜ਼, ਰਾਈ ਵੈਲੀ, ਨਾਰਥ ਓਟਾਗੋ ਅਤੇ ਟਿਮਾਰੂ ਤੋਂ ਦੱਖਣ ਅਤੇ ਓਟੇਮਾਤਾਤਾ ਤੋਂ ਪੂਰਬ ਕੈਂਟਰਬਰੀ ਵਿੱਚ ਸੰਤਰੀ ਪੱਧਰ ਦੀ ਭਾਰੀ ਮੀਂਹ ਚਿਤਾਵਨੀ ਜਾਰੀ ਕੀਤੀ ਗਈ ਹੈ।
ਇਸਦੇ ਨਾਲ ਹੀ, ਆਕਲੈਂਡ, ਗ੍ਰੇਟ ਬੈਰੀਅਰ ਆਇਲੈਂਡ, ਨਾਰਥਲੈਂਡ, ਕੋਰੋਮੈਂਡਲ ਪ੍ਰਾਇਦੀਪ, ਵਾਇਕਾਟੋ, ਤਾਈਹਾਪੇ, ਵਾਂਗਾਨੂਈ ਅਤੇ ਦੱਖਣੀ ਅਤੇ ਕੇਂਦਰੀ ਟਾਰਾਨਾਕੀ ਖੇਤਰਾਂ ਵਿੱਚ ਤੇਜ਼ ਹਵਾਵਾਂ ਲਈ ਸੰਤਰੀ ਚਿਤਾਵਨੀ ਜਾਰੀ ਕੀਤੀ ਗਈ ਹੈ।